دہشت گردی عالمی مسئلہ اے جیندے خلاف جنگ اچ  ہزاراں شہریاں اتے سکیورٹی اداریاں قیمتی جاناں وارین، چیئرمین سینیٹ

اسلام آباد۔21اگست(اے پی پی)چیئرمین سینیٹ سید یوسف رضا گیلانی آکھیے جو دہشت گردی عالمی مسئلہ اے جیندے خلاف جنگ اچ  ہزاراں شہریاں اتے سکیورٹی اداریاں قیمتی جاناں وارین، انہاں قربانیاں نال دہشت گردی مکاوݨ اتے ہک پرامن، محفوظ اتے خوشحال مستقبل ٻݨاوݨ کیتے ساݙا عزم تکڑا تھئے۔ دہشت گردی دے متاثرین دی یاد اتے خراج عقیدت دے عالمی ݙینھ تے انہاں آکھیے جو اساں انہاں ساریاں کوں خراج عقیدت پیش کریندے ہیں ڄئیں نہ صرف دہشت گردی دے خلاف اپݨیاں جاناں ݙتن ٻھل دہشت گردی دا ہر شکل اچ مقابلہ کیتے، ساݙاں ہزاراں شہریاں جیندے اچ جوان، تریمتیں، ٻال اتے قانون نافذ کرݨ آلے اداریاں دے اہلکار شامل ہین دہشت گردی دے خلاف جنگ اچ وݙیان قربانیاں ݙتن، پاکستان ہر قسم دی دہشت گردی دی مذمت کریندے، اے انسانیت دے خلاف جرم اے اتے عالمی برادری دا ہک ذمہ دار رکن ہوندے پاکستان ایں خطرے کوں مکاوݨ کیتے پرعزم اے۔