ایران بس حادثے اچ فوت تھیوݨ آلے پاکستانی زائرین دیاں میتاں سی 130 طیارے تے جیکب آباد پڄ ڳن

اسلام آباد – 23 اگست (اے پی پی) ایران دے شہر یزد اچ  بس حادثے اچ جاں بحق تھیونڑ آلے پاکستانی زائرین دیاں میتاں سی 130 طیارے  ذریعے جیکب آباد پچا ڈتیاں گئین ۔ وزیراعظم محمد شہباز شریف دی ہدایت تے خصوصی جہاز میتاں کوں چاونڑ ایرانی شہر یزد گیاہا۔

تفصیلات موجب جاں بحق 28 پاکستانیاں دا یزد ایئرپورٹ تے جنازہ وی پڑھایا گیا جیندے اچ ایرانی سپریم لیڈر دے نمائندہ، گورنر یزد اتے  پاکستانی سفیر سمیت ایرانی حکام  شرکت کیتی۔ اے میتاں صوبائی وزیر ناصر حسین شاہ چاونڑ گئے تے اوندے بعد جنازہ پڑھا تے انھاں دے وارثاں دے حوالے کر ڈتیاں گیاں ۔ شہباز ایئر بیس تے رشتے داریں کیتےخاص انتظامات وی کیتے گئے ہن ۔ بس حادثے اچ  28 پاکستانی زائرین جاں بحق تے 23 زخمی تھئین جیندے اچ 14 زخمیاں دی حالت تشویشناک ڈسائی گئی اے جڈاں جو 15 زخمیاں کوں وی پاکستان گھن آیا گیا اے  حادثے دے بعد وزیراعظم محمد شہباز شریف متاثرہ خاندان نال ہر ممکن تعاون دی خصوصی ہدایات وی جاری کیتن ۔

تہران اچ پاکستانی مشن کوں سارے ممکنہ اقدامات اتے تعاون ڈیونڑ دی ہدایت وی کیتی ۔ ڈوجھے پاسوں نائب وزیراعظم اسحاق ڈار ایران اچ پاکستانی قونصل خانے کوں صورتحال دا جائزہ گھننڑ دی ذمے واری ڈتی اے اتے پاکستانی قونصل خانے زخمیاں کوں طبی امداد دی فراہمی اتے مقامی حکام نال رابطے تے  میتاں کوں  پاکستان  بھیجنڑ دے انتظامات کیتن ۔ یزد توں  لاڑکانہ تئیں طویل فاصلے تے گرم موسم پاروں میتاں جہاز ذریعے گھن آئیاں گئین ۔ ڈوجھے پاسوں چیئرمین پیپلز پارٹی بلاول بھٹو زرداری دی ہدایت تے وزیراعلیٰ سندھ سید مراد علی شاہ حادثے دے شہیداں تے زخمیاں کیتے مالی امداد دا وی اعلان کیتا اے