اسلام آباد۔28اگست (اے پی پی) وفاقی وزیر خزانہ ومحصولات سینیٹر محمد اورنگزیب آکھیے پاکستان ترکیہ نال تجارت ، سرمایہ کاری تے تکنیکی تعاون سودھے وکھرے شعبیں اچ تعلقات ودھاوݨ سانڳے پرعزم اے۔ اے ڳالھ انھاں پاکستان اچ ترکیہ دے سفیر ڈاکٹر مہمت پکاسی نال الواداعی ملاقات اچ آکھی ۔ ملاقات اچ پاکستان اتے ترکیہ وچال بھرپی دے تعلقات دے وکھو وکھ پہلواں تے روشنی پاتی ڳئی۔ وزیرخزانہ ومحصولات پاکستان …
پاکستان ترکیہ نال تجارت ، سرمایہ کاری تے تکنیکی تعاون سودھے وکھرے شعبیں اچ تعلقات ودھاوݨ سانڳے پرعزم اے،وفاقی وزیر خزانہ ومحصولات محمد اورنگزیب
اسلام آباد۔28اگست (اے پی پی) وفاقی وزیر خزانہ ومحصولات سینیٹر محمد اورنگزیب آکھیے پاکستان ترکیہ نال تجارت ، سرمایہ کاری تے تکنیکی تعاون سودھے وکھرے شعبیں اچ تعلقات ودھاوݨ سانڳے پرعزم اے۔ اے ڳالھ انھاں پاکستان اچ ترکیہ دے سفیر ڈاکٹر مہمت پکاسی نال الواداعی ملاقات اچ آکھی ۔ ملاقات اچ پاکستان اتے ترکیہ وچال بھرپی دے تعلقات دے وکھو وکھ پہلواں تے روشنی پاتی ڳئی۔ وزیرخزانہ ومحصولات پاکستان اتے ترکیہ وچال ݙو پاسے تعلقات دے ودھارے سانڳے سبکدوش تھیوݨ آلے سفیر دی خدامت دی تعریف کیتی ، انھاں آکھیے ݙوہیں ملکاں وچال بھرپی دے تعلقات ہن جیڑھے سانجھی اقدار تے ثقافت دے آئینہ دار اے ۔ وزیرخزانہ ترکیہ دے وزیر تجارت دی قیادت اچ تجارتی وفد دے اڄوکے دورہ پاکستان دا حوالہ ݙتا تے آکھیے جو ایں دورے اچ توانائی ، زراعت، بنیادی ڈھانچہ اتے ٹیکنالوجی دےشعبہ اچ نویں رستے ڳولݨ اچ مدد ملی ۔ ترکیہ دے سفیر پاکستان اچ رہݨ ویلھے حکومت پاکستان ولوں ݙتے ڳئے تعاون تے حمایت دی تعریف کیتی ، انھاں ترکیہ دے تجارتی وفد دی طرفوں وی پاکستان دا شکریہ اداکیتا تے آکھیے جو ایہوجیہاں سرگرمیاں نال ݙو پاسے تجارت تےسرمایہ کاری دی استعداد توں فیدہ چاتا ونڄ سڳدے ۔ فریقین ݙوہیں ملکاں وچال اشیا اچ تجارت دے سانجھے فیدے دا وی حوالہ ݙتا تے آکھیے جو ݙوہیں ملکاں وچال ݙو پاسے تجارت 5 ارب ڈالر تئیں ودھاوݨ دے ہدف دے پاسے اہم قدم اے۔ انھاں حکومتی اتے بزنس ٹو بزنس رابطے دے ذریعے مزیداقدامات دی اہمیت تے ڳالھ کیتی ۔ وزیرخزانہ سبکدوش تھیوݨ لے ترکیہ دے سفیرسانڳے نیک خواہشات تے امید ظاہر کیتی جو او پاکستان تے ترکیہ وچال پکی یاری سانڳے آپݨا کردار اڳوں وی جاری رکھیسن ۔ انہاں سانجھے اہداف گھنݨ سانڳے کم جاری رکھݨ دا عزم کیتے
