سینیٹ دی بزنس ایڈوائزری کمیٹی دے 364ویں اجلاس اچ قانون سازی دے امور دا تفصیلی جائزہ، سینیٹ دا موجودہ اجلاس 30 اکتوبر تئیں جاری رکھݨ دا فیصلہ

اسلام آباد۔13 اکتوبر (اے پی پی) سینیٹ دی بزنس ایڈوائزری کمیٹی دا اجلاس منگل کوں پارلیمنٹ ہاؤس اچ چیئرمین سینیٹ سید یوسف رضا گیلانی دی زیرِ صدارت منعقد تھیا۔ اجلاس اچ سینیٹ دے 364ویں اجلاس دے دوران غور کیتے ونڄݨ آلے قانون سازی دے امور دا تفصیلی جائزہ ڳھدا ڳیا۔ قانون سازی دے امور دے علاوہ کمیٹی دے اجلاس اچ اہم قومی و بین الاقوامی معاملیں تے وی غور کیتا ڳیا۔سینیٹ دی بزنس ایڈوائزری کمیٹی دے فیصلے موجب سینیٹ دا موجودہ اجلاس 30 اکتوبر 2026ء تئیں جاری رہسی۔ اجلاس اچ قائدِ حزبِ اختلاف سینیٹ سینیٹر راجہ ناصر عباس، سینیٹر و چیف وہپ سینیٹ سینیٹر سلیم مانڈوی والا، سینیٹر شیری رحمان، سینیٹر منظور احمد، سینیٹر سید علی ظفر، سینیٹر جان محمد، سینیٹر کامل علی آغا، سینیٹر ہدایت اللہ خان، وفاقی وزیر پارلیمانی امور ڈاکٹر طارق فضل چوہدری تے سیکرٹری سینیٹ سید حسنین حیدر شرکت کیتی۔ سیکرٹری سینیٹ سید حسنین حیدر بزنس ایڈوائزری کمیٹی کوں موجودہ اجلاس دے دوران زیرِ غور آوݨ آلے قانون سازی دے امور تے ایوان دی کارروائی متعلق معاملیں تے تفصیلی بریفنگ ݙتی۔