اسلام آباد۔6ستمبر (اے پی پی)سرائیکی دے نشابر لکھاری نثر نگار ، مترجم تے صحافی محمد اختر شاکر ملک یکم اگست 1962ء کوں ڈڈا پٹھان قبیلے دے استاد غلام محمد دے گے تحصیل لیاقت پور دے قصبہ ظفر آباد دے موضع شہباز پور غربی دی وستی سعید آباد اچ جمے ۔
انھاں بارے لیاقت پور ادبی فورم دے جنرل سیکرٹری طارق ملک دا اے پی پی نال گالھ مہاڑ کریندے ڈسائے جو محمد اختر شاکر ملک قرآن مجید دی تعلیم آپدے والدِ محترم غلام محمد توں جڈاں جو 1970ء اچ ابتدائی تعلیم تحصیل لیاقت پور دے تعلیمی ادارے گورنمنٹ مڈل سکول ظفر آباد توں گھدی تے 1980ء اچ میٹرک دا امتحان گورنمنٹ ہائی سکول خان بیلہ توں پاس کیتا جڈاں جو 1983ء اچ انھاں کراچی توں ایف اے دی ڈگری گھدی ۔
طارق ملک دا آکھݨ ہئی جو طالب علمی توں ای نثری ادب پاسے راغب تھئے تے آپدی مادری زبان سرائیکی اچ لکھݨ کوں ترجیح ڈتی ۔شروع اچ ای سرائیکی زبان اچ انشائیے تے افسانے تحریر کیتے 1980ء اچ او تحصیل لیاقت پور دی معروف ادبی تنظیم ” سانجھ سرائیکی ” توں جڑے رہیے او آپدے تخلیق کردہ انشائیے پیش کریندے ہن تھے ول او صحافت نال جڑ گئے تے خان پور تے کراچی اچ کم کیتا تے 2022ء میں سیرت دے موضوع تے انھاں دی پہلی سرائیکی تصنیف ” کونین دا مختار ﷺ ” شائع تھئی جڈاں جو 2024ء اچ انھاں ” کلامِ خواجہ فریدؒ سرائیکی ترجمہ ” شائع کیتا۔انھاں دے اٹھ پتر مظہر سعید ، انور سعید ، کاشف سعید ، حامد سعید ، احمد سعید ، خالد سعید ، راشد سعید اور دو بیٹیاں صائمہ بی بی ، انمول بی بی ہن ۔محمد اختر شاکر ملک اج 06 ستمبر 2024ء جمعہ دے ڈینھ 62 سال دی عمر اچ شیخ زید ہسپتال رحیم یار خان اچ انتقال کر گئین انھاں دی فوتگی تے پورے وسیب مکاݨ ڈتی اے ۔
ڈاکٹر سعدیہ کمال
