کراچی۔ 14 جنوری (اے پی پی) چیئرپرسن بینظیر انکم سپورٹ پروگرام سینیٹر روبینہ خالد وزیرمحکمہ صحت و بہبود آبادی ڈاکٹر عذرا فضل پیچوہو نال کراچی اچ انہاں دے دفتر اچ ملاقات کیتی ۔ملاقات اچ بی آئی ایس پی بینیفشریز کوں بینظیر نشوونما اتے سندھ حکومت دے صحت دے اقدامات دے ذریعے بنیادی سہولتاں ݙیوݨ تے سانجھے تعاون تے ڳالھ مہاڑ کیتی ڳئی ایں توں انڄ حاملہ تریمتاں ، کھیر …
چیئرپرسن بینظیر انکم سپورٹ پروگرام روبینہ خالد دی ڈاکٹر عذرافضل پیچوہو نال ملاقات
کراچی۔ 14 جنوری (اے پی پی) چیئرپرسن بینظیر انکم سپورٹ پروگرام سینیٹر روبینہ خالد وزیرمحکمہ صحت و بہبود آبادی ڈاکٹر عذرا فضل پیچوہو نال کراچی اچ انہاں دے دفتر اچ ملاقات کیتی ۔ملاقات اچ بی آئی ایس پی بینیفشریز کوں بینظیر نشوونما اتے سندھ حکومت دے صحت دے اقدامات دے ذریعے بنیادی سہولتاں ݙیوݨ تے سانجھے تعاون تے ڳالھ مہاڑ کیتی ڳئی ایں توں انڄ حاملہ تریمتاں ، کھیر پلاوݨ آلیاں ماواں تے انہاں دے ٻالاں دی نشوونما، غذائی قلت پاروں جنم گھنݨ آلیاں بیماریاں، حفاظتی ٹیکے، آبادی اچ ودھارے سودھے ٻئے امور جیویں یونین کونسل دی سطح تے متحرک سرگرمیاں دے انعقاد تے وی ڳالھ مہاڑ کیتی ڳئی۔ ملاقات اچ ݙسایا ڳئے جو صوبہ سندھ اچ بینطیر نشوونما توں فیدہ چاوݨ آلی مستحقین کوں خدمات ݙیوݨ سانڳے 140 سہولتی مراکز تے 39 موبائل ٹیماں موجود ہن۔ ایں توں انڄ ، بی آئی ایس پی ڈائنامک رجسٹری سینٹرز تے نادار سٹاف دی موجودگی تے زور ݙتا ڳئے تاں جو مستحق خاندان بی آئی ایس پی اچ رجسٹریشن دے دوران اپݨے ٻالاں دی برتھ رجسٹریشن دا کم وی کرواسڳن ۔ بینظیر انکم سپورٹ پروگرام اتے محکمہ صحت و بہبود آبادی وچال ݙو پاسے ڈیٹا دی سانجھ تے وی رضامندی ظاہر کیتی ڳئی ۔ملاقات اچ بی آئی ایس پی، محکمہ صحت و بہبود آبادی اتے نادر حکام وچال مشترکہ اجلاس کراوݨ دی لوڑھ تے زور ݙتا ڳئے جیں اچ بی آئی ایس پی اتے محکمہ صحت و بہبود آبادی دے مستحق لوکاں دی رجسٹریشن دے عمل اچ سوکھ سانڳے موثر حکمت عملی بݨائی ویسی۔
