حکومتی کمیٹی 31 جنوری کوں تحلیل تھی ویسی، مذاکرات دا توڑ پڄݨ ٻہوں اہمیت رکھدے، سینیٹر عرفان صدیقی

اسلام آباد۔14جنوری(اے پی پی)مسلم لیگ (ن) دے سینئر رہنما، پی ٹی آئی نالے مذاکرات کرݨ آلی کمیٹی دے رکن اتے ترجمان سینیٹر عرفان صدیقی آکھیے جو حکومتی کمیٹی 31 جنوری کوں تحلیل تھی ویسی، مذاکرات دا توڑ پڄݨ ٻہوں اہمیت رکھدے ٻھل پی ٹی آئی کمیٹی اپݨا فیصلہ کرݨ اچ آزاد اے، میڈیا نال الیندے انہاں آکھیا جو پی ٹی آئی تحری مطالبات ݙیوݨ دا وعدہ کتیا ہا، ٻھل 3 ہفتے بعد وی اے وعدہ وفا نئیں تھیا،ڄیکر مطالبات سامݨے آسن تاں اوندے تے مشاورت توں بعد اساں وی فیصلہ کر سڳسوں،اے کیویں تھی سڳدے جو اساں 16 جنوری کوں ہی ولدا ݙیوݨ کیتے ٻیٹھے ہووں، پی ٹی آئی دے مطالبات ٻہوں اوکھے ہین جیندے تے سنجیدگی نال غور کریسوں۔ انہاں آکھیا جو اساں پی ٹی آئی کولو کوئی مطالبہ نئیں کیتا، ساݙے مطالبات نئیں صرف ملک و قوم کیتے کڄھ تجاویز ہین ٻھل او کہیں مخصوص شخص یا سیاسی جماعت نال نئیں، پاکستان بارے ہین۔