وزیراعظم شہباز شریف دا عالمی بینک اتے پاکستان دے 10 سالہ شراکت داری فریم ورک داخیرمقدم

اسلام آباد۔15جنوری  (اے پی پی) وزیراعظم شہباز شریف عالمی بینک اتے پاکستان  دے  10 سالہ شراکت داری  فریم ورک  داخیرمقدم کیتے جئیں دے تحت عالمی بینک ولوں 20 ارب ڈالر دی یقین دہانی  کرائی ڳئی اے۔ بدھ کوں سماجی رابطے دی ویب سائٹ ایکس تے آپݨی پوسٹ اچ وزیراعظم آکھیا جو سانجھے داری فریم ورک دے تحت جیڑھے چھی شعبیاں اچ تعاون دا یقین کرایا ڳئے اے اساݙی قومی ترجیح کوں نشابر کریندے۔ انہاں شعبیاں اچ معیاری تعلیم، ٻالاں دی غذائیت  ، موسمیاتی  تبدیلی، کلین انرجی، جامع ترقی اتے نجی سرمایہ کاری شامل ہن۔ وزیراعظم آرمی چیف جنرل سید عاصم منیر اتے رفقا دی کوششاں دی تعریف کریندیں ہوئیں آکھیا جو او ݙینھ رات پاکستان دی معیشت دی بنیاد مضبوط کرݨ کیتے کوشش کریندے پئن۔ وزیراعظم آکھیا جو اساں عوام کیتے پائیدار موقع پیدا کرݨ دی کوششاں کوں ہم آہنگ کریندیں ہوئیں آپݨی سانجھے داری مضبوط ٻݨاوݨ چاہندوں۔