اسلام آباد۔16جنوری(اے پی پی) وفاقی وزیرداخلہ محسن نقوی ضلع خیبر دی وادی تیراہ اچ کامیاب انٹیلی جنس بیسڈ آپریشن تے سکیورٹی فورسز کوں زبردست الفاظ اچ خراج تحسین پیش کیتے۔ وزارت داخلہ توں جاری بیان موجب محسن نقوی آکھیے سکیورٹی فورسز ھک واری ول وختی آپریشن کرتے 22 خوارجی دہشت گرداں کوں عبرتناک انجام تئیں پڄائے ، 22 خوارجی دہشت گرداں کوں جہنم واصل کرتے سکیورٹی فورسز وݙی کامیابی …
وفاقی وزیرداخلہ دا وادی تیراہ اچ کامیاب انٹیلی جنس بیسڈ آپریشن اچ 22 خوارجی دہشت گرداں کوں ہلاک کرݨ تے سکیورٹی فورسز کوں خراج تحسین
اسلام آباد۔16جنوری(اے پی پی) وفاقی وزیرداخلہ محسن نقوی ضلع خیبر دی وادی تیراہ اچ کامیاب انٹیلی جنس بیسڈ آپریشن تے سکیورٹی فورسز کوں زبردست الفاظ اچ خراج تحسین پیش کیتے۔ وزارت داخلہ توں جاری بیان موجب محسن نقوی آکھیے سکیورٹی فورسز ھک واری ول وختی آپریشن کرتے 22 خوارجی دہشت گرداں کوں عبرتناک انجام تئیں پڄائے ، 22 خوارجی دہشت گرداں کوں جہنم واصل کرتے سکیورٹی فورسز وݙی کامیابی ڳھدی ، قوم کوں سکیورٹی فورسزدی پیشہ وارانہ صلاحیتاں اتے جرأت تے ماݨ اے ، خوارجی دہشت گرداں دے مذموم عزائم ناکام بݨاوݨ تے سکیورٹی فورسز دی تعریف کریندوں ۔ وزیر داخلہ مزید آکھیے پاکستان دی بہادر سکیورٹی فورسز خوارجی دہشت گرداں دے ناپاک عزائم کوں ناکام بݨائے ، سکیورٹی فورسز دے افسراں تے نینگراں دے قیام امن سانڳے اقدامات تعریف دے قابل ہن ۔ محسن نقوی ایں ڳالھ تے زور ݙتے جو قوم دی حمایت توں خوارجی دہشت گرداں کوں منڈھوں مُکایا ویسی۔
