وزیراعظم محمد شہباز شریف دا پاکستان دے ورلڈ اکنامک فورم اتے ڈیجیٹل کوآپریشن آرگنائزیشن دے مشترکہ ڈیجیٹل فارن ڈائریکٹ انویسٹمنٹ انیشیٹو دا حصہ بݨݨ دا خیر مقدم

لاہور۔18جنوری(اے پی پی) وزیراعظم محمد شہباز شریف آکھیے ڈیجیٹل انفرا اسٹرکچر، ڈیجیٹائزیشن کوں اپناوݨ ، نویں ڈیجیٹل سرگرمیاں اتے برآمدات دی ڈیجیٹل سروسز تے مشتمل فریم ورک براہ راست ٻاہرلی سرمایہ کاری سانڳے ترغیب دا باعث بݨ سڳدن ، جیڑھے جو ملک اچ سرمایہ کار دوست ماحول دی فراہمی دے پاسے ھک انتہائی اہم سنگ میل اے۔وزیراعظم آفس پریس ونگ توں جاری بیان اچ وزیراعظم محمد شہباز شریف پاکستان دے ورلڈ اکنامک فورم اتے ڈیجیٹل کوآپریشن آرگنائزیشن دے مشترکہ ڈیجیٹل فارن ڈائریکٹ انویسٹمنٹ انیشیٹو دا حصہ بݨݨ دا خیر مقدم کریندے آکھیے پاکستان، ورلڈ اکنامک فورم دے تحت، ڈیجیٹل فارن ڈائریکٹ انویسٹمنٹ انیشیٹو کوں اپناوݨ آلا پہلا ملک اے ،پاکستان دا پہلا ڈیجیٹل ایف ڈی آئی پراجیکٹ اہداف دی نشاندہی دے نال ڈیجیٹل ترقی کوں ودھارا ݙیوݨ سانڳے اہم کوششاں کریندا پئے ۔ وزیراعظم آکھیے منصوبہ دے تحت ڈیجیٹل انفرا اسٹرکچر، ڈیجیٹائز یشن کوں اپناوݨ ، نویں ڈیجیٹل سرگرمیاں تے برآمدات دی ڈیجیٹل سروسز تے مشتمل ھک فریم ورک اے جیڑھا جو انہاں شعبیں تے توجہ ݙیسی جیڑھے جو براہ راست ٻاہرلی سرمایہ کاری سانڳے ترغیب دا باعث بݨ سڳدن ،ملک اچ سرمایہ کار دوست ماحول دی فراہمی دے پاسے ھک انتہائی اہم سنگ میل اے ۔وزیراعظم آکھیے پاکستان جامع ڈیجیٹل معیشت دے پاسے ٹردا پئے جیڑھا جو پائیدار ترقی اتے خوشحالی دے پاسے ھک قدم اے۔ اے اقدام معاشی ترقی کوں ودھارا ݙیوݨ سانڳے حکومت پاکستان دے عزم کوں ظاہر کریندے۔