بانی پی ٹی آئی آپݨی ذال نال رل تے ارباں دا ڈاکہ ماریا، صوبائی وزیر اطلاعات عظمی بخاری

لاہور۔18جنوری(اے پی پی) صوبائی وزیر اطلاعات پنجاب عظمی بخاری آکھیے بانی پی ٹی آئی آپݨی ذال نال رل تے ارباں دا ڈاکہ ماریا، سابق وزیر اعظم کہیں خیالی تنخواہ تے نی کرپشن کریندے وٹھیا ڳئے،پی ٹی آ ئی مذہب کارڈ کھیݙدی پئی اے۔ اے ڳالھ انہاں ڈی جی پی آر اچ پریس کانفرنس توں خطاب کریندے آکھی ۔ عظمی بخاری آکھیے 17 جنوری پاکستان دی تاریخ دا ھک انوکھا ݙینھ ہئی ، ایں ݙینھ پاکستان دا سابق وزیراعظم کہیں خیالی تنخواہ تے نی بلکہ باقاعدہ اپݨے منصب تے رہندے ہوئیں چوری تے ڈکیتی کریندے وٹھیا ڳئے ، بانی پی ٹی آئی ہمیشہ حکومت اچ آوݨ توں پہلے آکھدے ہن جو ارباں روپیہ ملک توں ٻاہر پئے ایں سانڳے پاکستان ترقی نی کریندا پیا ، انہاں آکھیے بانی پی ٹی آئی دے خلاف190 ملین پونڈدے کیس دی سو توں ودھ سماعتاں تھئن ، ملزمان کوں پندرہ موقع ݙتے ڳئے جݙاں جو نیب دی تفتیشی سانڳے 35 سماعتاں تھیاں،علیمہ خان آکھدی ہئی جو اساں چاہندے ہاسے کیس دا فیصلہ آونڄے لیکن گزریل ݙینھ روندی پئی ہئی ۔انہاں آکھیے بانی پی ٹی آئی دی اپݨی کابینہ دے لوکاں توں کیویں بند لفافے دی منظوری ڳھدی ڳئی ،انھاں ڈے آپݨے وزراء ایں دے گواہ رہئن ،مرزا شہزاد اکبر اتے فرح گوگی دا ایں وچ کلیدی کردار اے،اڄ وی شہباز گل ٻاہر ٻہہ تے سازشاں کریندا پئے ،فرح گوگی آکھدی ہئی جو پنج کیرٹ توں گھٹ دا ہیرا چنڳاں نی لڳدا ،ایں کیس تے وݙے وݙے دعوے کیتے ڳئے ، انہاں آکھیے ظلم تے بیہودگی دی انتہا اے ہے جو مذہب کارڈ استعمال کیتا ویندا پئے ،انہاں کوں اسلامی ٹچ ݙیوݨ تے مذہب کوں استعمال کرݨ دی پراݨی عادت اے ، انہاں آکھیے برطانیہ دی حکومت پاکستان دی حکومت نال رابطہ کیتا جو تساں کنے پیسے بھیڄݨے ہن ،سپریم کورٹ دے اکائونٹ اچ پیسے بھیڄ تے چھی کروڑ دی ساڈھے چار سو کنال زمین القادر ٹرسٹ دے ناں تے ، فرنیچر اتے کمپیوٹرڳھدے،فرح گوگی ٻالڑی اے ، توشہ خانہ دی گھڑی ویچ تے کیش پاکستان اچ گھن آوݨ وی موصوفہ دا کمال اے،تحریک فساد آلے ہݨ ویڑے تھئے ودن ۔ عظمی بخاری آکھیے حسن نواز دے حوالے نال ساری تحقیقات شہزاد اکبر این سی اے(برطانیہ) توں کروائی تے این سی اے توں انہاں کوں کلین چٹ ملی،موصوف دی یادداشت کمزور اے،شیخ وقاص اکرم تے بانی پی ٹی آئی عدم اعتماد دا اظہار کیتا،آکھدن جو بند لفافہ ہݨ کھول گھنے اوبھرا بند لفافہ اوں ویلھے کھولݨا ہئی ہݨ تساں تساڈے سارے لفافے کھل ڳئن ، علیمہ باجی آکھدی ہئی بانی پی ٹی آئی ڈیل کائنی، فیصلے دا انتظار کریسوں ایں دے او وی ذمہ دار ہن جنہاں بانی پی ٹی آئی کوں ایں سسٹم اچ پلانٹ کیتا،انھاں دی صداقت دے پرخچے اݙدے پئن ،کیا بانی پی ٹی آئی کوں اے یاد آندا پئے جو اوں ھک وزیر اعظم کوں خیالی تنخواہ نہ گھنݨ تے کڈھوایا ہئی اے اعلی عدالتاں دے ترجمان بݨدن ، آکھدے اعلی عدالتاں اچ پہلی پیشی تے ریلیف مل ویسی میکوں ایں تے وݙا کنسرن اے، عدالت کوں وی ایندا نوٹس گھنݨا چاہیدے ،اعلی عدالت کیویں کرسڳدی اے جو ھک سو نوے ملین پائونڈ کوں پاکستان دے اکائونٹ اچ آوݨا ہئی او کیویں کلیئر تھی ویسی۔