تعلیم، اختراع تےقومی ترقی ویلھے دی اہم لوڑھ اے ، چیئرمین سینیٹ دا نجی یونیورسٹی دی تقریب توں خطاب

اسلام آباد۔19جنوری (اے پی پی) چیئرمین سینیٹ سید یوسف رضا گیلانی آکھیے تعلیم، اختراع تے قومی ترقی ویلھے دی اہم لوڑھ اے نینگراں کوں جدید چیلنجز سانڳے تیار کرݨ ناگزیر اے،ڈیجیٹل، سماجی اتے جذباتی مہارتاں روزگار سانڳے اہم ہن ۔ چیئرمین سینیٹ سید یوسف رضا گیلانی اے ڳالھ اقراء یو نیو ر سٹی دے 25 ویں کانووکیشن دی تقریب توں خطاب اچ آکھی ۔ چیئرمین سینیٹ آپݨے خطاب اچ آکھیے تعلیم، اختراع اتے قومی ترقی ویلھے دی اہم لوڑھ اے نینگراں کوں جدید چیلنجز سانڳے تیار کرݨ ناگزیر اے،ڈیجیٹل، سماجی اتے جذباتی مہارتاں روزگار سانڳے اہم ہن ، انہاں آکھیے عالمی منظرنامے موجب طلبہ کوں تیار کرݨ ضروری اے ،پاکستان دی علمی معیشت دے پاسے منتقلی نینگراں سانڳے موقع بݨیسی ۔سید یوسف رضا گیلانی مزید آکھیے جو تعلیمی ادارے تنقیدی سوچ اتے قیادت کوں ودھارا ݙیون چیئرمین سینیٹ آکھیے معلومات اتے بصیرت جدید دور اچ ترقی دا اصل سرمایہ ہن ۔سید یوسف رضا گیلانی حکومت، تعلیمی اداریں تے پارلیمنٹ دے تعاون تے زور ݙیندے آکھیے بانی پاکستان قائداعظم محمد علی جناح دے ویژن موجب طالبیں کوں لیس کرݨ ویلھے وی اہم لوڑھ اے ، انہاں تعلیمی بہتری اتے اختراع سانڳٖ رل تے کم کرݨ دی اپیل وی کیتی تے آکھیے 21ویں صدی دے ناخواندہ اوہن جیڑھے ول سکھ نہ سڳن ۔سید یوسف رضا گیلانی آکھیے انسانی تے فکری سرمایہ جی ڈی پی اچ پائیدار ترقی دا ضامن اے۔چیئرمین سینیٹ آکھیے پیپلز پارٹی بھارت اچ رہݨ آلے مسلماناں دے سکولز اتے کالجاں اچ ایڈمشنز کرائے جݙاں جو بہاولدین زکریا یونیورسٹی ملتان دے طالبیں دے ٻئے ملکاں دی یونیورسٹیاں اچ وی داخلے کرائے ہن۔ انہاں آکھیے بہاولدین زکریا یونیورسٹی اچ تعلیم دے معیار کوں وی چنڳاں بݨایا ڳئے۔