اسلام آباد۔20جنوری(اے پی پی) وزیراعظم محمد شہباز شریف گوادر ایئرپورٹ توں پروازاں شروع تھیوݨ تے اطمینان کریندے آکھیے گوادر کوں وسطی و مشرقی ایشیاء تے مشرق وسطی و خلیجی ملکاں وچال ھک اہم رابطہ بݨاوݨ سانڳے ھک ٻیا سنگ میل پار کر ڳھدے ،گوادر ایئرپورٹ دا فعال تھیوݨ نہ صرف پاکستان بلکہ پورے خطے اچ مواصلاتی رابطے دے ودھارے دے پاسے اہم قدم اے ،گوادر ایئرپورٹ دے فعال تھیوݨ توں …
گوادر ایئرپورٹ دا فعال تھیوݨ نہ صرف پاکستان بلکہ پورے خطے اچ مواصلاتی رابطے دے ودھارے دے پاسے اہم قدم اے ،وزیراعظم محمد شہباز شریف
مزید خبراں
اسلام آباد۔20جنوری(اے پی پی) وزیراعظم محمد شہباز شریف گوادر ایئرپورٹ توں پروازاں شروع تھیوݨ تے اطمینان کریندے آکھیے گوادر کوں وسطی و مشرقی ایشیاء تے مشرق وسطی و خلیجی ملکاں وچال ھک اہم رابطہ بݨاوݨ سانڳے ھک ٻیا سنگ میل پار کر ڳھدے ،گوادر ایئرپورٹ دا فعال تھیوݨ نہ صرف پاکستان بلکہ پورے خطے اچ مواصلاتی رابطے دے ودھارے دے پاسے اہم قدم اے ،گوادر ایئرپورٹ دے فعال تھیوݨ توں سی پیک نال پاکستان اتے خطے دی ترقی دا خواب شرمندہ تعبیر ہوسی ۔ وزیراعظم آفس دے میڈیا ونگ توں جاری بیان موجب وزیراعظم آکھیے اڄ اللہ دے فضل و کرم نال گوادر کوں وسطی و مشرقی ایشیاء اتے مشرق وسطی و خلیجی ملکاں وچال ھک اہم رابطہ بݨاوݨ سانڳے ھک ٻیا سنگ میل پار کرڳھدے ، گوادر ایئرپورٹ دا فعال تھیوݨ سی پیک توں پاکستان تے خطے دی ترقی دے خواب کوں شرمندہ تعبیر کریسی ۔وزیر اعظم آکھیے اڄ اساں چینی صدر شی جن پنگ اتے محمد نواز شریف دے سی پیک دے ذریعے پاکستان و خطے دی ترقی دے مشترکہ عزم دی تکمیل دے مزید نیڑے پڄ ڳئے ،اللہ کے فضل و کرم نال سی پیک دی شروعات محمد نواز شریف دے دور توں تھئی تے ایں دے اہم میل وی انہاں دی قیادت اچ پار تھیندے پئن ۔وزیراعظم آکھیے میں سودھے پوری قوم چینی قیادت تے چینی حکومت دی مشکور اے ،بین الاقوامی سہولتاں توں آراستہ گوادر ایئرپورٹ پاک چین دوستی دی اعلی مثال اے،چین پاکستان دا او مثالی بھرا تے جیں ہمیشہ پاکستان دی تعمیر و ترقی اچ اہم کردار نبھائے ۔وزیر اعظم آکھیے وزیرِ دفاع و ہوابازی خواجہ آصف، وزیر اعلی بلوچستان سرفراز بگٹی دی قیادت اچ حکومت بلوچستان، سکیورٹی تے مامور افسراں، اہلکار اتے عسکری قیادت کوں ایئر پورٹ دی تعمیر سانڳے ݙینھ رات محںت تے خراج تحسین پیش کرینداں
