وفاقی وزیر داخلہ محسن نقوی دی واشنگٹن اچ خصوصی عشائیہ اچ شرکت

واشنگٹن۔21جنوری(اے پی پی) وفاقی وزیر داخلہ محسن نقوی واشنگٹن اچ لنکن لبرٹی بال دے خصوصی عشائیہ اچ شرکت کیتی ، جتھاں انہاں دا پرتپاک خیرمقدم کیتا ڳئے ۔ ایں موقع تے وزیر داخلہ امریکی سینیٹرز، ممبران کانگریس اتے ٻئی اہم شخصیات نال ملاقاتاں کیتن۔محسن نقوی عشائیہ دے دوران سینیٹر ٹومی ٹیوبر ویل، ممبر کانگریس کین کلورٹ، سابق برطانوی وزیر اعظم لز ٹراس اتے گورنر مسی سیپی فلپ برینٹ نال ملاقاتاں کیتن ۔ انھاں ملاقاتاں اچ سانجھی دلچسپی دے امور تے ݙو پاسے تعلقات تے ڳالھ مہاڑ کیتی ڳئی ۔وزیر داخلہ عشائیہ دے دوران امریکی سینیٹرز اتے ممبران کانگریس کوں ڈونلڈ ٹرمپ دی طرفوں صدارت دا عہدہ سنبھالݨ تے مبارخ ݙتی تے امریکی عوام سانڳے نیک خواہشات دا اظہار کیتے۔وزیر داخلہ محسن نقوی آکھیے اڄ امریکہ سانڳے ھک تاریخی ݙینھ اے ۔ میں ݙٹھے جو امریکی عوام ڈونلڈ ٹرمپ دی صدارت  دی ݙوجھی مدت دے آغاز دا زبردست انداز اچ خیر مقدم کیتے۔ انہاں مزید  آکھیے صدر ڈونلڈ ٹرمپ دے دور اچ پاکستان اتے امریکا دے تعلقات دا ھک نواں باب شروع تھیسی ۔ ایں موقع تے وفاقی وزیر داخلہ امریکی عوام  سانڳے محبت اتے نیک تمناواں دا اظہار کیتے تے ݙوہیں ملکاں وچال تکڑے تعلقات دا عزم کیتے۔