کراچی ملتان دیاں پنج پروازاں ہن او بلاتعطل چلدیاں پئن ، سینیٹر اعظم نذیر تارڑ

اسلام آباد۔21جنوری(اے پی پی) وفاقی وزیر قانون، انصاف و پارلیمانی امور سینیٹر اعظم نذیر تارڑ آکھیے کراچی ملتان دیاں پنج پروازاں ہن او بلاتعطل چلدیاں پئن ، ایجھے روٹس جنھاں تے ٻوجھ تھوڑا گھٹ اے انہاں سانڳے چھوٹے طیاریں دے استعمال دی حوصلہ افزائی کیتی ویندی پئی اے۔ سینیٹ اجلاس اچ سینیٹر رانا محمود الحسن دے توجہ کراؤ نوٹس دا جواب ݙیندے وفاقی وزیر سینیٹر اعظم نذیر تارڑ آکھیے کراچی ملتان دیاں پنج پروازاں ہن او بلاتعطل چلدیاں پئن ، ملتان اسلام آباد سیکٹر اچ مسافراں دا جیڑھا لوڈ اے ٹی آر طیاریں دا ہئی ، ایں ویلھے پی آئی اے کنے ݙو اے ٹی آر طیارے ہن، ݙوجھا او کمرشل طور تے ممکن کائناں ہئی ایں سانڳے ایں کوں بند کرݙتا ڳئے، پی آئی اے دی نجکاری کوں ری پراسیس اچ پاݙتے ، امید اے آندے مہینے اچ اے عمل مکمل تھی ویسی ایں وچ بہتری نظر آسی ، ایجھے روٹس جنھاں تے ٻوجھ تھوڑا گھٹ اے انہاں سانڳے چھوٹے طیاریں دے استعمال دی حوصلہ افزائی کیتی ویندی پئی اے ، انہا آکھیےجنوبی پنجاب پاکستان دا اہم خطہ اے، اتھاں دے عوام ٻاہرلے ملک وی رہندن ، پاکستان دی معیشت اچ انہاں دی وݙی شمولیت اے، آندے مہینے اچ بہتری آسی ۔ ایں توں پہلے توجہ کراؤ نوٹس تے ڳالھ کریندے رانا محمود الحسن آکھیے ملتان دے بین الاقوامی ہوائی اݙے تے روزانہ 20انٹرنیشنل پروازاں آپریٹ تھیندن ، ملتان توں اسلام آباد پی آئی اے دی پروازاں کوں مکمل بند کرݙتا ڳئے ، ملتان توں اسلام آباد سانڳے گھٹ توں گھٹ ہفتے اچ ݙو پروازاں آپریٹ کیتیاں ونڄن ، ملتان توں کراچی سانڳے پروازاں دی تعداد گھٹ کرݙتی ڳئی اے۔