واشنگٹن۔22جنوری(اے پی پی) وفاقی وزیر داخلہ محسن نقوی واشنگٹن اچ کانگریس مین تھامس رچرڈ سوازی تے کانگریس مین جیک برگمین نال ملاقت کیتی۔کانگریس مین تھامس رچرڈ سوازی دا تعلق ڈیموکریٹک جݙاں جو کانگریس مین جیک برگمین دا تعلق ری پبلکن پارٹی توں اے ۔ پاکستانی کاکس دے ممبر تھامس رچرڈ سوازی اتے کو چیئر جیک برگمین نال ملاقات اچ سانجھی دلچسپی دے امور، پاک امریکہ تعلقات سودھے ٻئے اہم معاملات …
وفاقی وزیر داخلہ دی واشنگٹن اچ کانگریس مین تھامس رچرڈ سوازی تے کانگریس مین جیک برگمین نال ملاقات
مزید خبراں
واشنگٹن۔22جنوری(اے پی پی) وفاقی وزیر داخلہ محسن نقوی واشنگٹن اچ کانگریس مین تھامس رچرڈ سوازی تے کانگریس مین جیک برگمین نال ملاقت کیتی۔کانگریس مین تھامس رچرڈ سوازی دا تعلق ڈیموکریٹک جݙاں جو کانگریس مین جیک برگمین دا تعلق ری پبلکن پارٹی توں اے ۔ پاکستانی کاکس دے ممبر تھامس رچرڈ سوازی اتے کو چیئر جیک برگمین نال ملاقات اچ سانجھی دلچسپی دے امور، پاک امریکہ تعلقات سودھے ٻئے اہم معاملات تے ڳالھ مہاڑ کیتی ڳئی ۔ ملاقات اچ افغانستان دی صورتحال تے وی ڳالھ مہاڑ کیتی ڳئی ۔ ملاقات اچ پاک امریکہ تعلقات کوں ودھارا ݙیوݨ تے اتفاق کیتا ڳئے ۔ وزیر داخلہ محسن نقوی کانگریس مین تھامس سوازی اتے کانگریس مین جیک برگمین کوں پاکستان دورے دی دعوت ݙتی۔ وفاقی وزیرداخلہ محسن نقوی آکھیے امریکہ پاکستان دا اہم معاشی و دفاعی شراکت دار اے، پاکستان دے سماجی شعبیں دی بہتری سانڳے امریکی تعاون کوں قدر دی نگاہ نال ݙیکھدوں ۔ انہاں آکھیے پاکستان امریکہ نال ݙوپاسے تعلقات کوں خصوصی اہمیت ݙیندے، امریکہ نال سارے شعبیں اچ مزید اشتراک چاہندوں ۔ وزیر داخلہ محسن نقوی آکھیے تساڈے دورہ پاکستان نال سانجھے تعلقات کوں مزید مستحکم کرݨ اچ مدد ملسی ۔کانگریس مین تھامس سوازی آکھیے پاکستان نال تعلقات مزید تکڑے کرݨ سانڳے پرعزم ہیسے ، وختی پاکستان دا دورہ کریساں ۔ ملاقات اچ 30 اپریل کوں پاکستانی کاکس کانفرنس واشنگٹن ڈی سی اچ کراوݨ دا فیصلہ کیتا ڳئے ۔ امریکہ اچ پاکستان دے سفیر رضوان سعید شیخ وی ایں موقع تے موجود ہن۔
