میگا منصوبیں قراقرم ہائی وے فیز-II تے پاکستان ریلوے  مین لائن 1 تے کم 2025 اچ شروع کیتا ویسی ، احسن اقبال

اسلام آباد۔22جنوری(اے پی پی) وفاقی وزیر منصوبہ بندی، ترقی اتے خصوصی اقدامات پروفیسر احسن اقبال آکھیے 2025 اچ ݙو میگا  منصوبیں قراقرم ہائی وے فیز-II اتے پاکستان ریلوے دے مین لائن-1 تے کم شروع کیتا ویسی ، جیڑھا جو چین اتے پاکستان ݙوہیں بھرا ملکاں وچال تعاون کوں مزید وسعت ݙیسی ، پاکستان اچ رہݨ آلے چینی شہریاں کوں ساریاں ممکن سہولتاں تے فول پروف سکیورٹی ݙتی ویسی ۔ ٻدھ ݙینھ چینی کارکناں، تکنیکی ماہرین اتے انجینئرز دی خدمات دا اعتراف کیتا، جنہاں پاکستانی ورک فورس نال رل تے سی پیک فیز- I دے منصوبیں کوں کامیابی نال مکمل کیتے انہاں آکھیے پاکستان نیشنل کونسل آف دی آرٹس (پی این سی اے) اچ چینی اسپرنگ فیسٹیول دی تقریبات دے دوران خطاب کریندے آکھیے ملک دے مختلف حصیں اچ مکمل تھیوݨ آلے سی پیک فیز- I دے منصوبے پاکستان تے چین دی لازوال دوستی دی علامت ہن، جیڑھے جو ہرگزردے ݙینھ دے نال مزید تکڑی تھیندی پئی اے ۔احسن اقبال اے اعتماد کیتے جیویں ہی سی پیک اپݨے ݙوجھے مرحلے اچ داخل تھیسی ݙوہیں ملکاں وچال تعاون تے ہم آہنگی مزید ودھسی جیں توں نہ صرف پاکستان بلکہ پورے خطے کوں فیدہ تھیسی ۔ انہاں ݙسائے سی پیک دے ݙوجھے مرحلے اچ زرعی شعبے اچ جدید ٹیکنالوجی دے استعمال، خصوصی اقتصادی زونز (SEZs) دے قیام اتے انفارمیشن ٹیکنالوجی دے شعبے اچ تعاون تے خصوصی توجہ ݙتی ویسی جیں توں نہ صرف پاکستان دی برآمدات اچ ودھارا ممکن تھیسی ۔وزیر منصوبہ بندی آکھیے وزیراعظم شہباز شریف دا وژن اے دنیا، بالخصوص چین، دے آئی ٹی ماہرین دی مہارت توں فیدہ چاتا ونڄے تے پاکستانی نینگراں کوں جدید آئی ٹی مہارتاں نال لیس کیتا ونڄے تاں جو او عصری تقاضیں کوں پورا کرسڳن ۔ انہاں مزید ݙسائے جو 2025 اچ ݙو میگا منصوبے، قراقرم ہائی وے فیز-II اتے پاکستان ریلوے دے مین لائن-I (ML-I)، تے کم شروع کیتا ویسی جیڑھا جو ݙوہیں بھرا ملکاں وچال تعاون کوں مزید وسعت ݙیسی۔ احسن اقبال ایں عزم دا اظہار کیتے جو پاکستان اچ رہݨ آلے چینی شہریاں کوں ساریاں سہولتاں تے فول پروف سکیورٹی ݙتی ویسی ۔پاکستان تے چین دی دوستی کوں ضیان پڄاوݨ دے عناصر کوں واضح پیغام ݙیندے انہاں آکھیے او آپݨی مذموم سازشاں اچ ناکام تھیسن ، کیوں جو ݙوہیں ملکاں دے تعلقات سانجھے تے پکے اعتماد تے ہن ، انہاں پاکستان تے چین دی ست ݙھاکیں تے محیط دوستی کوں ھک ایجھے سوہݨے گلدستے نال تشبیہ ݙتی ، جیڑھا رنگ کھنڈیندے تے مستقبل اچ مزید تکڑا تھیسی۔