واشنگٹن۔23جنوری(اے پی پی) وفاقی وزیرداخلہ محسن نقوی امریکی کانگریس دے ارکان جو ولسن اتے روب بریسناہن نال انڄ انڄ ملاقات کیتی جیں اچ سانجھی دلچسپی دے امور تے پاک امریکا تعلقات دے ودھارے تے ڳالھ مہاڑ کیتی ڳئی ۔ ملاقات اچ علاقے اچ پائیدار امن دے قیام خصوصاً افغانستان دی صورتحال تے ڳالھ مہاڑ جݙاں جو پاک امریکا تعلقات کوں مزید ودھارا ݙیوݨ دا عزم کیتا ڳئے۔ ݙوہیں ملکاں …
وفاقی وزیر داخلہ محسن نقوی دی امریکی کانگریس دے ارکان نال اہم ملاقاتاں
مزید خبراں
واشنگٹن۔23جنوری(اے پی پی) وفاقی وزیرداخلہ محسن نقوی امریکی کانگریس دے ارکان جو ولسن اتے روب بریسناہن نال انڄ انڄ ملاقات کیتی جیں اچ سانجھی دلچسپی دے امور تے پاک امریکا تعلقات دے ودھارے تے ڳالھ مہاڑ کیتی ڳئی ۔ ملاقات اچ علاقے اچ پائیدار امن دے قیام خصوصاً افغانستان دی صورتحال تے ڳالھ مہاڑ جݙاں جو پاک امریکا تعلقات کوں مزید ودھارا ݙیوݨ دا عزم کیتا ڳئے۔ ݙوہیں ملکاں وچال تجارتی و ثقافتی وفد دے سانجھے تبادلے ودھݨ دی لوڑھ تے زور ݙتا ڳئے۔وزیر داخلہ محسن نقوی پاک امریکا تعلقات دے ودھارے سانڳے ہرسطح تے مکمل تعاون دا یقین ݙیوائے ۔وزیر داخلہ محسن نقوی امریکی کانگریس دے ݙوہیں ارکان کوں پاکستان دورے دی دعوت ݙتی۔ وزیر داخلہ محسن نقوی آکھیے امریکا پاکستان دا اہم سٹریٹجک پارنٹر اے۔ پاکستان تے امریکا دے تعلقات کئی ݙھاکیں دے ہن ، انہاں آکھیے صدر ڈونلڈ ٹرمپ دا خطاب یقینا ًعالمی امن اتے جھیڑے دے حل اچ حوصلہ افزا اے۔صدر ڈونلڈ ٹرمپ دنیا سانڳے امن دی امید بݨسی۔ صدر ڈونلڈ ٹرمپ دے دوراچ پاک امریکا تعلقات کوں نویں جہت ملسی ۔ ملاقاتاں اچ پاکستان اتے امریکا وچال مختلف شعبیں اچ تعاون ودھاوݨ تے اوورسیز پاکستانیاں دے مسئلیں دے حل سانڳے اقدامات تے وی ڳالھ مہاڑ کیتی ڳئی ۔امریکا اچ پاکستان دے سفیر رضوان سعید شیخ وی ایں موقع تے موجود ہن
