بجلی چوری روکݨ سانڳے ٻہوں اقدامات کیتن، 27 ہزار ٹیوب ویل کوں شمسی توانائی تے منتقل کرݨ تے کم کریندے پیوں ،وفاقی وزیر توانائی سردار اویس لغاری

اسلام آباد۔23جنوری(اے پی پی) وفاقی وزیر توانائی سردار اویس احمد لغاری آکھیے بجلی چوری روکݨ سانڳے ٻہوں اقدامات کیتن، 27 ہزار ٹیوب ویل کوں شمسی توانائی تے منتقل کرݨ تے تکھے کم کریندے پیوں۔ قومی اسمبلی اجلاس اچ سوالاں دے وقفے اچ پولین بلوچ، نوابزادہ میر جمال ، ڈاکٹر شازیہ صوبیہ دے سوال تے ولدا ݙیندے انہاں آکھیے بجلی دے سسٹم کوں چنڳاں کرݨ سانڳے اقدامات کریندے پیوں بجلی چوری روکݨ سانڳے چنڳے اقدامات کیتن ۔ 27 ہزار ٹیوب ویلز کوں شمسی توانائی تے منتقل کرݨ سانڳے تکھا کم کریندے پیوں ۔ بلوچستان اچ صوبائی حکومت دی معاونت نال 3 ہزار ٹیوب ویلزکوں شمسی توانائی تے منتقل کرݙتے۔ جتھاں بجلی چوری گھٹ تھئی اے اتھاں لوڈ شیڈنگ وی گھٹ تھئی اے بلوچستان اچ شکایتاں دے ازالے سانڳے ہرممکن اقدامات کریسوں ۔ سکھر الیکٹرک سپلائی کمپنی دی کارکردگی چنڳی کائںی ۔ بد انتظامی پاروں 16 ارب دا ضیان تھئے ۔ مینجمنٹ تے بورڈ نویں سروں بݨاوݨ دی لوڑھ اے