اسلام آباد۔23جنوری(اے پی پی) وزیراعظم محمد شہبازشریف شمال مغربی ترکیہ اچ بھاہ لڳݨ دے واقعے اچ جانی ضیان تے ترک صدر نال تعزیت کریندے آکھیے پاکستانی عوام ݙکھے ویلھے ترک بھرا تے بھیݨاں نال پوری یکجہتی نال کھڑن ۔وزیراعظم دفتر میڈیا ونگ موجب وزیراعظم ترک صدر رجب طیب اردوان نال ٹیلیفون تے رابطہ کیتے تے شمال مغربی ترکیہ دے گرینڈ کارتل ہوٹل اچ بھاہ لڳݨ دے المناک واقعہ اچ قیمتی …
وزیراعظم دا شمال مغربی ترکیہ اچ بھاہ لڳݨ دے المناک واقعے اچ جانی ضیان تے ترک صدر نال اظہار تعزیت
مزید خبراں
اسلام آباد۔23جنوری(اے پی پی) وزیراعظم محمد شہبازشریف شمال مغربی ترکیہ اچ بھاہ لڳݨ دے واقعے اچ جانی ضیان تے ترک صدر نال تعزیت کریندے آکھیے پاکستانی عوام ݙکھے ویلھے ترک بھرا تے بھیݨاں نال پوری یکجہتی نال کھڑن ۔وزیراعظم دفتر میڈیا ونگ موجب وزیراعظم ترک صدر رجب طیب اردوان نال ٹیلیفون تے رابطہ کیتے تے شمال مغربی ترکیہ دے گرینڈ کارتل ہوٹل اچ بھاہ لڳݨ دے المناک واقعہ اچ قیمتی جاناں دے ضیان تے ݙکھ تے افسوس کیتے ۔ وزیراعظم آکھیے پوری پاکستانی قوم ایں واقعے تے ݙکھی اے تے جاں بحق تھیوݨ آلیں سانڳے مغفرت تے زخمیاں دی وختی صحت سانڳے دعا کریندی اے ۔ وزیراعظم صدررجب طیب اردوان کوں یقین ݙیوائے جو پاکستانی عوام ݙکھے ویلھے آپݨے ترک بھرا تے بھیݨاں دے رلے کھڑن ۔ وزیراعظم ایں افسوسناک واقعہ تے ترک حکام دی طرفوں وختی ردعمل دی تعریف کریندے ایں سلسلے اچ ہر ممکن مدد دی پیشکش کیتی۔ صدر رجب طیب اردوان وزیراعظم شہباز شریف دا شکریہ ادا کیتا۔ وزیراعظم اتے صدر اردوان وچال رابطہ ݙوہیں ملکاں وچال تکڑے بھرپی آلے تعلقات تے انہاں کوں تکڑا کرݨ دے سانجھے عزم کوں ظاہر کریندے
