لاہور۔2مارچ(اے پی پی) وفاقی وزیر رانا مبشر آکھیے حکومت دی طرفوں 20 ارب روپے دا رمضان پیکج عوام دوستی دا واضح ثبوت اے ،وزیراعظم محمد شہباز شریف دی مدبرانہ قیادت اچ ملک وختی معاشی قوت بݨݨ ویندا پئے ،اپوزیشن کنے انتشار دی سیاست اتے مایوسی دے علاوہ کجھ کائنی، عوام کوں رمضان المبارک اچ مزید خوشخبریاں ملسن۔اے ڳالھ انہاں خیابان امین اچ ھک پریس کانفرنس توں خطاب اچ آکھی ۔رانا مبشر آکھیے وزیراعظم شہباز شریف ملک کوں ترقی دے رستے تے ٹورݨ سانڳے ݙینھ رات کوشاں ہن ،مسلم لیگ پاکستان کوں بݨائے تے ایہا ہی ایں کوں بحراناں توں کڈھیسی ، مسلم لیگ(ن) دی حکومت 20 ارب روپے دا رمضان پیکج ݙتے جیڑھا عوام دوستی دا واضح ثبوت اے ،رمضان پیکیج توں40 لکھ خاندان فیدہ چیسن ۔ انہاں آکھیے ۔محمد نوازشریف دی قیادت اچ وزیراعظم شہبازشریف جیڑھی محنت کیتی ایں توں ملک معاشی ٹریک تے ٹرپئے ، جݙاں اقتدار اچ آئے تاں ملک ڈیفالٹ کرݨ تے پڄ ڳیا ہئی ہݨ تاں امریکہ تے روس دے سرمایہ کاری وی پاکستان اچ سرمایہ کاری کرݨ چاہندن ، ملکی زر مبادلہ 3 بلین توں 16 بلین ڈالر تئیں پڄ چکے ،حکومت دی بہترین حکمت عملی نال مہانگ دا طوفان تھم چکیے جݙاں جو کھاوݨ پیوݨ دیاں ضروری چیزاں دیاں قیمتاں اچ وی استحکام آئے۔ انہاں آکھیے انڈسٹری سودھے زراعت دے معاملات وی بہترتھیندے پئن ،سٹاک مارکیٹ ھک لکھ دی نفسیاتی حد پار کرچکی اے تے جیویں حکومتی معاشی ٹیم کم کریندی پئی اے امید اے آندے ترائے سال تئیں آئی ایم ایف کوں خیر باد آکھ ݙیسوں تے وختی ملک ایشیاء دی سپر پاور بݨسی ۔
