اسلام آباد۔7 اکتوبر (اے پی پی) وفاقی وزیرِ داخلہ محسن نقوی تے وزیرِ مملکت طلال چوہدری نال پولینڈ دی کونسل آف منسٹرز دے سربراہ و وزیر توماش شیمونیاک ملاقات کیتی جیندے دوران ݙوپاسہ سکیورٹی تعاون، انٹیلی جنس شیئرنگ تے منظم جرائم دی روک تھام بارے ڳالھ مہاڑ کیتی ڳئی۔ وزارتِ داخلہ توں جاری بیان دے مطابق ملاقات دے دوران اتفاقِ رائے تھیا جو ݙوہائیں ملکاں وچال میوچل لیگل اسسٹنس سمیت …
پاکستان تے پولینڈ دے وزرائے داخلہ دی ملاقات، ݙوپاسہ سکیورٹی تعاون تے ٻئے معاملیاں تے ڳالھ مہاڑ
مزید خبراں
اسلام آباد۔7 اکتوبر (اے پی پی) وفاقی وزیرِ داخلہ محسن نقوی تے وزیرِ مملکت طلال چوہدری نال پولینڈ دی کونسل آف منسٹرز دے سربراہ و وزیر توماش شیمونیاک ملاقات کیتی جیندے دوران ݙوپاسہ سکیورٹی تعاون، انٹیلی جنس شیئرنگ تے منظم جرائم دی روک تھام بارے ڳالھ مہاڑ کیتی ڳئی۔ وزارتِ داخلہ توں جاری بیان دے مطابق ملاقات دے دوران اتفاقِ رائے تھیا جو ݙوہائیں ملکاں وچال میوچل لیگل اسسٹنس سمیت مختلف مفاہمتی یادداشتاں کوں جلد حتمی شکل ݙتی ویسے، وزیرِ مملکت طلال چوہدری دی سربراہی اچ وزارتِ داخلہ دا ہک اعلیٰ سطحی وفد جلد پولینڈ دا دورہ کریسی۔ محسن نقوی آگاہ کیتا جو حکومتی اقدامات نال پاکستان توں یورپ دو غیر قانونی امیگریشن اچ 64 فیصد نمایاں کمی آئی اے۔ ݙوہائیں رہنماواں غیر قانونی رستیاں دی روک تھام کیتے پاکستانیاں کیتے روزگار تے قانونی امیگریشن دے موقعے ودھاوݨ تے آفیشل پاسپورٹس تے ویزہ فری سہولت تے غور کیتا۔ پولش وزیر خطے اچ امن کیتے پاکستان دے کردار تے انسدادِ دہشت گردی دی کوشساں دی بھرپور تائید کیتی جݙانجو محسن نقوی یورپی یونین دے جی ایس پی پلس سٹیٹس اچ پولینڈ دی حمایت تے شکریہ ادا کیتا۔
