اسلام آباد۔3اپریل(اے پی پی) وزیراعظم محمد شہباز شریف مہانگ دی شرح مزید گھٹݨ تے اطمینان دا اظہارکریندے آکھیے اڄوکے سال ماہ رمضان دے دوران شرح مہانگ گزریل کئی ݙھاکیں دی گھٹ ترین سطح تے ریکارڈ کیتی ڳئی، مہانگ دی شرح اچ واضح کمی حکومتی پالیسیاں دا صحیح پاسے تے حکومت دی عوامی فلاح و بہبود سانڳے انتھک محنت دا ثبوت اے۔ وزیراعظم دفتر دے میڈیا ونگ توں جاری بیان موجب وزیراعظم آکھیے مارچ 2025 اچ مہانگ دی شرح 0.7 فیصد ریکارڈ تھئی، گزریل سال اڄوکے مہینے اے شرح 20.7 فیصد ہئی۔ انہاں آکھیے ایں ویلھے ملک اچ مہانگ دی شرح 6 ݙھاکیں دی گھٹ ترین سطح تے ہے ، اڄوکے سال ماہ رمضان دے دوران وی شرح مہانگ گزریل کئی ݙھاکیں دی گھٹ ترین ریکارڈ کیتی ڳئی ، مہانگ دی شرح اچ واضح کمی حکومتی پالیسیاں دا صحیح پاسے تے حکومت دی عوامی فلاح و بہبود سانڳے انتھک محنت دا ثبوت اے۔ انہاں آکھیے مہانگ دی شرح اچ کمی توں عام آدمی دی زندگی تے مثبت اثرات وی سامݨے آندے پئن ، مہانگ اچ کمی توں بتدریج ملکی معیشت تے مثبت اثرات آندے پئن ۔ وزیراعظم آکھیے ملک ترقی دے رستے تے ٹرپئے ، حکومت عوامی فلاح و بہبود سانڳے ݙینھ رات محنت کریندی پئی اے۔
