اسلام آباد۔4اپریل(اے پی پی) چیئرمین سینیٹ سید یوسف رضا گیلانی پاکستان دے عظیم عوامی رہنما، بانی جمہوریت اتے عوام دے حقوق دے محافظ شہید ذوالفقار علی بھٹو دے ورھیݨے تے انہاں کوں زبردست خراجِ عقیدت پیش کیتے۔ سینیٹ سیکرٹریٹ توں جاری بیان موجب انہاں آکھئے جو ذوالفقار علی بھٹوھک عہد سازشخصیت ہن جنہاں پاکستان اچ جمہوریت دی بنیاداں کوں تکڑا کیتے تے عوام کوں حقیقی معنی اچ اقتدار دا مالک بݨایا ۔سید یوسف رضا گیلانی آکھیے شہید بھٹو دی قیادت اچ پاکستان 1973 دا متفقہ آئین ڳھدا ، جیڑھا اڄ وی ملک دے جمہوری نظام دی روح تے بقا دی ضمانت اے ۔ بھٹو صاحب ہمیشہ عوامی حقوق اتے جمہوری اقدار کوں اولین ترجیح ݙتی تے آپݨے اصولاں تے سمجھوتہ کیتے بغیر آمریت اتے جبر دے خلاف جدوجہد کیتی۔ انہاں مزید آکھئے جو ذوالفقار علی بھٹو دی سیاسی بصیرت، انقلابی سوچ اتے عوام دوست پالیسیاں پاکستان کوں ھک نواں رستہ ݙتا ۔ انہاں دی خدمات دا اعتراف نہ صرف پاکستان بلکہ عالمی سطح تے وی کیتا ویندے ۔ او ھک ایجھے لیڈر ہن جنہاں پسے ہوئے طبقے کوں آواز ݙتی ، عام آدمی کوں طاقتور بݨایا اتے ملک کوں جدید صنعتی و اقتصادی ترقی دے رستے تے ٹوریا ۔چیئرمین سینیٹ آکھیے اڄ پوری قوم شہید بھٹو دی خدمات کوں یاد کریندے انہاں کوں خراجِ عقیدت پیش کریندی اے تے انہاں دے نظریات تے عمل کرݨ دا عزم کریندی اے ۔ 1973 دا آئین انھاں دی بصیرت اتے جمہوری وابستگی دی ھک عظیم نشانی اے، جیڑھا جو اڄ وی ملک دے استحکام تے عوامی حقوق دی ضمانت ݙیندے ۔ بھٹو دا ناں پاکستان دی سیاسی تاریخ اچ سنہری الفاظ اچ لکھیا ویسی تے انہاں دی قربانیاں ہمیشہ یاد رکھیاں ویسن
