اسلام آباد۔4اپریل(اے پی پی) وفاقی وزیر پارلیمانی امور ڈاکٹر طارق فضل چوہدری پاکستان پیپلز پارٹی دے بانی تے سابق وزیرِاعظم شہید ذوالفقارعلی بھٹو کوں خراجِ عقیدت پیش کیتے۔ انہاں آکھئے ذوالفقار علی بھٹو دی جمہوریت اتے قومی ترقی سانڳے قربانیاں تاریخ اچ سنہری حروف نال لکھیاں ویسن ۔ سابق وزیراعظم دے 46 ویں ورھیݨے تے آپݨے سنھیے اچ انہاں آکھیے جو شہید ذوالفقارعلی بھٹو دی قیادت اچ منظور شدہ 1973 دا متفقہ آئین اڄ وی جمہوری نظام دی اساس اے ،انہاں عوام کوں آپݨے حقوق سانڳے آواز چاوݨ دا حوصلہ ݙتا انہاں دی بے خوف قیادت اتے عوامی خدمت دا جذبہ اڄ وی سیاسی رہنماواں سانڳے مشعل راہ اے۔ انہاں آکھیے ذوالفقار علی بھٹو دی خارجہ پالیسی پاکستان کوں عالمی سطح تے ھک خودمختارملک دے طور تے متعارف کرائے،قائد عوام شہید بھٹو پِسے ہوئے طبقے کوں انہاں دے حقوق ݙیواوݨ سانڳے عملی اقدامات کیتے۔ انہاں دعا منڳی اللہ تعالیٰ شہید ذوالفقار علی بھٹو دے درجات اُچے فرماون ۔ آمین۔
