لاہور۔5اپریل(اے پی پی) وزیراعظم محمد شہباز شریف نال امیر جماعت اسلامی حافظ نعیم الرحمن ٹیلی فونک رابطہ کیتے تے بجلی دیاں قیمتاں گھٹاوݨ تے وزیرِ اعظم دا شکریہ ادا کیتے، وزیرِ اعظم خیرمقدم کیتے تے آکھیے اوکھ دے باوجود عوامی ریلیف کوں اولین ترجیح ݙتی تے اے مشن جاری رکھیسوں – وزیر اعظم دفتر دے پریس ونگ موجب وزیراعظم آکھیے انشاء اللہ پاکستان دی ترقی دا سفر جاری رہسی ۔ ݙوہیں رہنماواں غزہ اچ نہتے فلسطینیاں تے اسرائیل دی بلا اشتعال بمباری اتے ظلم و ستم تے بین الاقوامی قوتاں دی چپ تے تشویش کیتی ۔وزیرِ اعظم غزہ دے نہتے فلسطینیاں تے جاری صہیونی ظلم و جبر دے خلاف ہر بین الاقوامی فورم تے آواز چاوݨ تے پاکستان دی حمایت جاری رکھݨ دا عزم کیتے ۔ وزیراعظم محمد شہباز شریف آکھیے صہیونی ظلم و جبر دے شکار نہتے فلسطینی بھیݨ بھراویں دی حمایت دے حوالے نال پاکستان دا مؤقف واضح اے۔
