لاہور۔6 اپریل(اے پی پی) وزیراعلیٰ پنجاب مریم نواز شریف کھیݙاں دے ودھارے سانڳے سارے ممکنہ وسائل ݙیوݨ دا عزم ظاہر کیتے ۔ وزیراعلیٰ پنجاب ترقی تے امن سانڳے کھیݙاں دے جگ ݙیھاڑ تے آپںے سنھیے اچ آکھیے جو کھیݙ تے امن دا جگ ݙیھاڑ مناوݨ دا مقصد معاشرے اچ کھیݙاں دے مثبت کردار کوں اُجاگر کریندے ،سپورٹس ایونٹس معاشرے اچ امن تے ترقی دا رستہ ہموار کریندن ،امن تے کھیݙ لازم و ملزوم ہن، امن ہوسی تاں کھیݙ ہوسن ۔ انہاں آکھیے کھیݙ نینگراں اچ ٹیم ورک، مسابقت تے برداشت پیدا کرݨ اچ اہم کردار ادا کریندن ،پنجاب اچ کھیݙاں دے ودھارے سانڳے کھیݙدا پنجاب پروگرام شروع کیتا ڳئے ،پنجاب اچ پنک گینز امن اتے مساوی ترقی دا استعارہ ہن،حکومت کھیݙاں دے ودھارے سانڳے گراؤنڈ اتے جمنیزیم بݨیندی پئی اے پنجاب اچ 300 گراؤنڈ اتے سپورٹس کمپلیکس بݨاوݨ سانڳے اقدامات کیتے ویندے پئن۔ وزیراعلیٰ پنجاب آکھیے جو نینگر ، وݙے لوک، معذورلوک تے ٻئے پسماندہ علاقیں دے ہر نینگر کوں سپورٹس دے برابر موقع ݙتے ویندے پئن ۔ کھیݙاں سانڳے سارے ممکنہ وسائل ݙتے ویسن تے سپورٹس انڈوومنٹ فنڈز کوں مزید ودھیسوں
