اسلام آباد۔8اپریل(اے پی پی) وفاقی وزیر خزانہ و محصولات سینیٹر محمد اورنگزیب آکھیے پاکستان علاقائی تعاون اتے تجارت ودھاوݨ تے یقین رکھیندے ۔ اے ڳالھ انہاں اقتصادی تعاون تنظیم ( ای سی او)دے سیکرٹری جنرل ڈاکٹر اسد مجید خان کوں ملاقات اچ آکھی ۔ملاقات اچ ݙوہیں رہنماواں علاقائی اقتصادی تعاون ودھاوݨ تے ڳالھ مہاڑ کیتی ۔ تنظیم دے 10 رکن ملکاں وچال تجارت، معیشت اتے سیاحت کوں ودھارا ݙیوݨ سانڳے مختلف اقدامات تے ڳالھ مہاڑ کیتی ۔ ڈاکٹر اسد مجید خان وزیر خزانہ کوں ای سی او دے کردار تے ایندی اہمیت دا ݙسائے ۔ملاقات اچ تجارتی راہداریاں اتے ابھردی ہوئی منڈیاں دے تناظر اچ علاقائی تجارت اتے رابطے دی اہمیت تے زور ݙتا ڳئے ݙوہیں رہنماواں رکن ملکاں وچال تعاون، علاقائی تجارت اتے رابطے کوں مزید مستحکم کرݨ دی لوڑھ تے اتفاق کیتے ۔ سیکرٹری جنرل تنظیم کوں مزید تکڑا تے متحرک بݨاوݨ تے علاقائی تجارت کوں ودھارا ݙیوݨ تے رکن ملکاں وچال تعاون اچ مزید بہتری سانڳے اپݨی کوششاں دا ذکر کیتے۔ وزیر خزانہ سینیٹر محمد اورنگزیب علاقائی تجارت اتے رابطے دے ایجنڈے کوں ودھارا ݙیوݨ سانڳے تعاون دا یقین ݙیوائے ۔ملاقات اچ تنظیم دے مختلف فورمز اتے سرگرمیاں اچ وزارت خزانہ دی نمائندگی مزید فعال بݨاوݨ تے وی اتفاق کیتے۔
