اسلام آباد۔9اپریل(اے پی پی) پاکستان تے قازقستان دا تعلیمی و سائنسی رابطے، تحقیق ، ترقی اتے ٹیکنالوجی دے شعبیں اچ تعاون ودھاوݨ تے اتفاق کیتے۔ وفاقی وزیر سائنس وٹیکنالوجی خالد حسین مگسی نال قازقستان دے سفیر ملاقات کیتی۔وزارت سائنس و ٹیکنالوجی توں جاری اعلامیہ موجب ملاقات اچ پاکستان اتے قازقستان وچال ݙوپاسے تعاون ودھاوݨ دے مختلف پہلوواں تے تفصیلی ڳالھ مہاڑ کیتی تے تعلیمی و سائنسی رابطے ، تحقیق و ترقی، اتے ٹیکنالوجی دے شعبے اچ تعاون ودھاوݨ تے زور ݙتا ڳئے ۔ایں موقع تے قازقستان دے سفیر آکھیے قازقستان وختی ترکمانستان۔افغانستان۔پاکستان۔انڈیا (تاپی) گیس پائپ لائن منصوبے اچ آپݨی شمولیت دا باقاعدہ اعلان کریسی جیڑھا جو خطے اچ توانائی دے شعبے اچ اشتراک اتے اقتصادی تعاون دے ھک نویں دور دا آغاز تھیسی ۔خالد حسین مگسی آکھیے ݙوہیں ملکاں وچال وختی تعلیمی مفاہمتی یادداشتاں تے دستخط کیتے ویسن ۔ قازقستان دے سفیر نیشنل یونیورسٹی آف سائنس اینڈ ٹیکنالوجی (نسٹ) اسلام آباد اچ ھک تحقیقی مرکز بݨاوݨ اچ وی دلچسپی دا اظہار کیتے۔ فریقین کاروباری ماحول کوں چنڳاں بݨاوݨ ، سمگلنگ دے خلاف سانجھے اقدامات تے تعلیم تے ٹیکنالوجی دے شعبیں اچ تعاون مزید ودھاوݨ تے اتفاق کیتے۔
