اسلام آباد۔9اپریل(اے پی پی) وفاقی وزیر مذہبی امور سردار محمد یوسف نال مرکزی رؤیت ہلال کمیٹی دے چیئرمین مولانا سید محمدعبدالخبیرآزاد ملاقات کیتی جئیں اچ ملک اچ قیام امن،مذہبی ہم آہنگی،رواداری،قومی یکجہتی،حجاج کرام دی خدمات اتے پیغام پاکستان دے ودھارے تے ڳالھ مہاڑ کیتی ڳئی ۔وزیر مذہبی امور نال ڳالھ کریندے مولانا عبدالخبیرآزاد آکھیے اڄ عالم اسلام کوں اتحاد تے وحدت دی ٻہوں لوڑھ اے۔ اسلام اساکوں وحدت اُمہ،امن و اخوت،احترام انسانیت اتے بھرپی دا درس ݙیندے ۔ ملک دشمن طاقتاں پاکستان اچ مذہبی منافرت،لسانی و منافرت کھنڈا تے عدم استحکام پیدا کرتے پاکستان دی قومی یکجہتی کوں ضیان پڄاوݨ چاہندن ۔ اسرائیل غزہ و فلسطین دے مسلماناں دا قتل کرتے امن معاہدہ اتے انسانی حقوق دی سنگین خلاف ورزیاں کریندا پئے ،عالمی برادری۔ اقوام متحدہ ، او آئی سی غزہ اچ اسرائیلی ظلم دا نوٹس گھنے ۔ اڄ سارے علماء کرام اتے پوری قوم پاکستان دی سلامتی و تحفظ سانڳے افواج پاکستان تے قومی سلامتی دے اداریں نال کھڑی اے ۔ ملاقات اچ وفاقی وزیرمذہبی امورآکھیے وطن عزیز پاکستان لکھاں انساناں دی قربانیاں دے بعد معرض وجود اچ آئے ،اسلام اتے کلمہ طیبہ دے ناں تے ڳھدا ڳیا ،پاکستان اتے سعودی عرب دی دوستی اتے تعلقات دے حوالے نال تساڈی خدمات مثالی ہن جئیں کوں اساں خراج تحسین پیش کریندوں ۔وفاقی وزیر مذہبی امور سردار یوسف مولانا سید محمد عبدالخبیر آزاد دی رؤیت ہلال،پاکستان اتے پوری دنیا اچ بین المذاہب ہم آہنگی، وحدت و اتحاداتے پیغام پاکستان دے ودھارے دے حوالے نال خدمات دی تعریف کیتی۔
