اسلام آباد۔9اپریل(اے پی پی سرائیکی نیوز) اکادمی ادبیات پاکستان دی طرفوں ادیباں تے شعراء سانڳے 50 لکھ روپے توں ودھ مالیت دے انعامات دا اعلان اکادمی ادبیات پاکستان دی طرفوں ممتاز اہل قلم دی ادبی خدمات دے اعتراف اچ کمال فن ایوارڈ 2023 سانڳے معروف شاعر افتخار عارف کوں چݨیا ڳئے ۔ ایں دا اعلان اعلان ڈاکٹر نجیبہ عارف صدر نشین ، اکادمی ادبیات پاکستان ایوارڈ کمیٹی دے اجلاس دے بعد پریس کانفرنس اچ کیتی ۔ ’’کمالِ فن ایوارڈ ‘‘ ملک دا ساریں توں وݙا ادبی ایوارڈ اے ۔جئیں دی رقم 1,000,000/-( ݙاہ لکھ روپے) اے۔2023دے ’’کمال فن ایوارڈ ‘‘ دا فیصلہ پاکستان دے معتبر تے مستند اہل دانش تے مشتمل منصفین دے پینل کیتے جئیں اچ ڈاکٹر انعام الحق جاوید، جناب اصغر ندیم سید، پروین ملک، مدد علی سندھی، انورسن رائے ، ڈاکٹر رؤف پاریکھ، ڈاکٹر اباسین یوسفزئی، نیلوفر اقبال، حسام حر، حفیظ خان، ڈاکٹر محمد سفیراعوان،ڈاکٹر واحد بخش بزدار، عبدالقیوم بیدار، ڈاکٹر ناصر عباس نیر، اتےڈاکٹر بصیرہ عنبرین شامل ہن ۔اجلاس دی صدارت مدد علی سندھی کیتی۔ ’’کمال فن ایوارڈ ‘‘ ہر سال کہیں وی ھک پاکستانی اہل قلم کوں انہاں دی زندگی بھر دی ادبی خدمات دے اعتراف دے طور تے ݙتا ویندے ۔اے ایوارڈ ملک دا ساریں توں وݙا ادبی ایوارڈ اے ۔جئیں دا اجراء اکادمی ادبیات پاکستان 1997ء اچ کیتا ہئی ۔ہݨ تئیں اکادمی ادبیات پاکستان دی طرفوں احمد ندیم قاسمی ، انتظار حسین ،مشتاق احمد یوسفی، احمد فراز ،شوکت صدیقی، منیر نیازی ، ادا جعفری،سوبھو گیان چندانی ،ڈاکٹر نبی بخش خان بلوچ، جمیل الدین عالی، محمد اجمل خان خٹک ، عبداللہ جان جمالدینی،محمدلطف اللہ خان ، بانو قدسیہ ، محمد ابراہیم جویو ، عبداللہ حسین ، افضل احسن رندھاوا ، فہمیدہ ریاض،کشور ناہید، امر جلیل ، ڈاکٹر جمیل جالبی، منیراحمد بادینی، اسد محمد خاں ، جناب ظفر اقبال تے جناب حسن منظر کوں ’’کمال فن ایوارڈ ‘ݙتے ڳئن۔ ایں موقع تے’ ’قومی ادبی ایوارڈز‘‘ برائے سال2023ء دا وی اعلان کیتا ڳئے ۔چیئرپرسن اکادمی ادبیات پاکستان ڈاکٹر نجیبہ عارف پریس کانفرنس اچ قومی ادبی ایوارڈز دا اعلان کریندے ݙسائے اردو نثر( تخلیقی ادب) سانڳے سعادت حسن منٹو ایوارڈ طاہر ہ اقبال دی کتاب ’’ ہڑپا‘(منصفین:نیلوفراقبال، ڈاکٹر معین نظامی اتے ڈاکٹر ناصر عباس نیر ) ، اردو نثر(تحقیقی وتنقیدی ادب) سانڳے بابائے اردو مولوی عبدالحق ایوارڈ ڈاکٹرامجد طفیل دی کتاب “ہمعصر اردو افسانہ ” تے فرخ یار دی کتاب ’’ عشق نامہ ‘‘(منصفین:ڈاکٹر رؤف پاریکھ، ڈاکٹر عبدالعزیز ساحر اتے ڈاکٹر خالد محمود سنجرانی) ، اردو شاعری سانڳے ’’ڈاکٹر علامہ محمد اقبال ایوارڈ‘‘ غلام حسین ساجد دی کتاب ’’تجاوز‘‘ (منصفین: نذیرقیصر ڈاکٹر وحید احمد اتے ڈاکٹر سحر انصاری ) ،پنجابی شاعری سانڳے ’’سید وارث شاہ ایوارڈ‘‘ قابل جعفری دی کتاب ’’ اپار‘‘،پنجابی نثرسانڳے’’ افضل احسن رندھاوا ایوارڈ‘‘نصیراحمد دی کتاب ’’ کیہ پاتر دا جیونا ‘‘ (منصفین:پروین ملک، انجم سلیمی اتے زبیراحمد ) ، سندھی شاعری سانڳے ’’شاہ عبدالطیف بھٹائی ایوارڈ ‘‘ابرار ابڑو دی کتاب ’’اکین کی پندھ کرنوآ‘‘، سندھی نثرسانڳے ’’مرزا قلیچ بیگ ایوارڈ‘‘ ڈاکٹر مشتاق باگانی دی کتاب ” ننگر ٹھٹے جو سماج ” (منصفین: مدد علی سندھی، شبنم گل اتے ڈاکٹر شیرمہرانی) ، پشتو شاعری سانڳے ’’خوشحال خان خٹک ایوارڈ‘‘ م ۔ر شفق دی کتاب ” گل رنگ “،پشتو نثر سانڳے ’’ محمد اجمل خان خٹک ایوارڈ ‘‘ ڈاکٹر عبدالکریم بریالے دی کتاب ” درحمان بابا کلیاتو دمتن انتقادی ثیڑنہ ” (منصفین: ڈاکٹر اباسین یوسفزئی ، ڈاکٹر اسیر منگل اتے نورالامین یوسفزئی) ، بلوچی شاعری سانڳے ” مست توکلی ایوارڈ” وہاب شوہاز دی کتاب ” چراگاں دم نہ برتگ” ، بلوچی نثر سانڳے سید ظہور شاہ ہاشمی ایوارڈ پروفیسر ڈاکٹر محمد یوسف دی کتاب ” بلوچی ءُ براہوئی زبانانی سیالی ” (منصفین:ڈاکٹر فضل خالق، ڈاکٹر زینت ثنا اورمحمد یوسف گچکی) ، سرائیکی شاعری سانڳے ’’خواجہ غلام فرید ایوارڈ‘‘عزیز شاہد دی کتاب ’’چاک‘ ، سرائیکی نثر سانڳے “ڈاکٹر مہر عبدالحق ایوارڈ”رفعت عباس دی کتاب’’ نیلیاں سلہاں پچھوں ‘‘ (منصفین: رانا محبوب اختر، سلیم شہزاد، حبیب موہانہ) ، براہوئی شاعری سانڳے ’’تاج محمد تاجل ایوارڈ ‘‘بابل نور دی کتاب ’’ چنکس استار ” ، براہوئی نثر سانڳے’’غلام نبی راہی ایوارڈ‘‘ عمران فریق دی کتاب ’’ ادبی تھیوری ؤ براہوئی ادب ‘‘ (منصفین: عبدالقیوم بیدار، افضل مراد، افضل مینگل ) ، ہندکو شاعری سانڳے ’’ سائیں احمد علی ایوارڈ ‘‘ڈاکٹر خاور چوہدری دی کتاب ’’ بجھنا ڈیوا ‘‘،ہندکو نثر سانڳے خاطر غزنوی ایوارڈ اختر نعیم دی کتاب ” قسطنطنیہ، انگورا ،سمرنا ” (منصفین:ناصر علی سید، محمد ضیاء الدین اتے حسام حر ) ، انگریزی نثر سانڳے پطرس بخاری ایوارڈ ایم اطہر طاہر دی کتاب “Second Coming “، انگریزی شاعری سانڳے داؤد کمال ایوارڈ اعجاز رحیم دی کتاب “Beyond Dates and Pomegranates” (منصفین: ڈاکٹرمحمد سفیراعوان، منیزہ شمسی اتے حارث خلیق) تے ترجمے سانڳے ’’محمد حسن عسکری ایوارڈ‘‘شوکت نواز نیازی دی کتاب ’’ جلاوطنی اتے سلطنت(آلبرٹ کامیو) ‘‘ کوں ݙتا ڳئے (منصفین :ارشد وحید ، ڈاکٹر خالد اقبال یاسر اتے ڈاکٹر سید جعفر احمد) ۔قومی ادبی انعام حاصل کرݨ آلی ہر کتاب دے مصنف کوں ݙو ݙو لکھ روپے بطور انعامی رقم ݙتے ویسن۔(ڈاکٹرسعدیہ کمال)
