مودی آپݨی ہار لکاوݨ کیتے نشوم شہریاں تے کاوڑ کڈھیندا پئے، مشعال حسین ملک

اسلام آباد۔18 مئی (اے پی پی) حریت رہنما یاسین ملک دی ذال مشعال حسین ملک غیر قانونی بھارتی مقبوضہ جموں و کشمیر دی موجودہ صورتحال تے آپݨے ویڈیو بیان اچ آکھیے جو بھارتی وزیراعظم نریندر مودی آپݨی ہار دی شرمندگی لکاوݨ کیتے آپݨی ساری کاور نہتے کشمیریاں تے کڈھیندا پئے، ہار دے بعد مودی مایوس تے ݙرپوک بݨیا پئے ، جئیں ہزاراں کشمیریاں کوں جیل اچ بند کر ݙتے تے انہاں توں زبردستی جرم دا اعتراف کراوݨ دی کوشش کیتی ویندی پئی اے۔ انہاں آکھیے جو مودی سرکار کشمیریاں دے کاروبار تباہ کریندی پئی اے تے ٻہوں سارے کشمیری طالب علماں کوں بھارت دی یونیورسٹیاں توں کڈھیا ویندا پئے، انہاں دیاں ڈگریاں منسوخ کیتیاں ویندیاں پئن۔ مشعال حسین ملک سوشل میڈیا تے لکھݨ آلیں کوں چپ کرایا ویندا پئے، ہار دے بعد مودی سرکار مختلف حربے استعمال کریندی پئی اے۔ مودی حکومت دا ہک ہی ایجنڈا اے، کشمیریاں کوں کشمیر توں کڈھݨ تے نویں ہندو آبادی کوں آباد کرݨ۔ انہاں آکھیے پاکستان دی فتح دے نتیجے اچ بھارت کشمیریاں تے ظلم ودھا ݙتے ۔ انہاں زور ݙیندے ہوئیں آکھیے جو ہݨ ویلھا آ ڳئے جو عالمی برادری کشمیریاں دی آواز بݨے تے انہاں کوں حق خود ارادیت ݙیواوے۔