اسلام آباد۔19 مئی(اے پی پی)وفاقی وزیر داخلہ محسن نقوی نال قطر دے سفیر علی مبارک علی عیسیٰ الخطیر ملین۔ ملاقات اچ پاکستان اتے قطر وچال تعلقات سودھا ݙوطرفہ امور، پاکستان اتے بھارت وچال سیزفائر دے بعد دی صورتحال تے ڳالھ مہاڑ کیتی ڳئی۔ وزیر داخلہ محسن نقوی آکھیا جو پاکستان ہمیشہ توں خطے اچ پائیدار امن چاہندے، قطر دا اڄوکا دورہ ٻہوں کامیاب رہے، قطر دے وزیر اعظم، نائب وزیراعظم …
وفاقی وزیر داخلہ محسن نقوی نال قطری سفیر دی ملاقات
مزید خبراں
اسلام آباد۔19 مئی(اے پی پی)وفاقی وزیر داخلہ محسن نقوی نال قطر دے سفیر علی مبارک علی عیسیٰ الخطیر ملین۔ ملاقات اچ پاکستان اتے قطر وچال تعلقات سودھا ݙوطرفہ امور، پاکستان اتے بھارت وچال سیزفائر دے بعد دی صورتحال تے ڳالھ مہاڑ کیتی ڳئی۔ وزیر داخلہ محسن نقوی آکھیا جو پاکستان ہمیشہ توں خطے اچ پائیدار امن چاہندے، قطر دا اڄوکا دورہ ٻہوں کامیاب رہے، قطر دے وزیر اعظم، نائب وزیراعظم اتے وزیر داخلہ نال ملاقاتاں اچ ڈوطرفہ تعاون کوں اڳو تے ودھاوݨ تے اتفاق کیتے ڄݙاں جو انسدادِ منشیات، انسداد دہشت گردی، سکیورٹی تعاون اتے تربیتی پروگرامز تے وی ڳالھ تھئی، سارے شعبیاں اچ قطر نال تعاون کوں ودھاوݨ پاکستان دی ترجیح اے، قطر دے اعلیٰ حکام فالواپ وزٹ تے تیکھے پاکستان آوݨ تے اتفاق کیتے، وفاقی سیکرٹری داخلہ دی قیادت اچ اعلیٰ سطح دا وفد وی قطر دا دورہ کریسی۔ وفد اچ وزارت داخلہ دے ماتحت اداریاں دے سربراہان شامل ہوسن۔ وفاقی سیکرٹری داخلہ محمد خرم آغا اتے ٻئے حکام وی ایں موقع تے موجود ہن۔
