اسلام آباد (اے پی پی) پاکستان گولڈن ٹیمپل کوں نشانہ بݨاوݨ دی کوشش دے بھارتی الزامات کوں مکمل طور تے مسترد کر ݙِتا اَتے آکھیا جو پاکستان سکھ مذہب دے بہوں سارے مقدس جہیں دا رکھوالا اے، پاکستان ہر سال پوری دنیا توں ہزاراں سکھ یاتریاں دا خیر مقدم کریندے۔ بھارتی فوج دے ہک سینئر افسر دے انہاں ریمارکس دے حوالے نال جو پاکستان 7 اَتے 8 مئی دی ادھی …
پاکستان 7 اَتے 8 مئی دی وچلی رات کوں گولڈن ٹیمپل کوں نشانہ بݨاوݨ دی کوشش دے بھارتی الزامات کوں مسترد کر ݙِتا
مزید خبراں
اسلام آباد (اے پی پی) پاکستان گولڈن ٹیمپل کوں نشانہ بݨاوݨ دی کوشش دے بھارتی الزامات کوں مکمل طور تے مسترد کر ݙِتا اَتے آکھیا جو پاکستان سکھ مذہب دے بہوں سارے مقدس جہیں دا رکھوالا اے، پاکستان ہر سال پوری دنیا توں ہزاراں سکھ یاتریاں دا خیر مقدم کریندے۔ بھارتی فوج دے ہک سینئر افسر دے انہاں ریمارکس دے حوالے نال جو پاکستان 7 اَتے 8 مئی دی ادھی رات کوں ڈرون اَتے میزائلاں نال گولڈن ٹیمپل کوں نشانہ بݨاوݨ دی کوشش کیتی۔ ترجمان آکھیا جو اساں انہاں الزامات کوں واضح طور تے مسترد کریندوں جو پاکستان گولڈن ٹیمپل کوں نشانہ بݨاوݨ دی کوشش کیتی۔ ترجمان آکھیا جو حقیقت اے جو بھارت 6 اَتے 7 مئی دی ادھی رات کوں پاکستان اچ مختلف عبادتاں دیاں جہیں کوں نشانہ بݨایا، بھارت ولوں لاتے ڳئے الزامات ایں ناقابل قبول فعل توں توجہ نئیں ہٹا سڳدے۔ ترجمان آکھیا جو گولڈن ٹیمپل سکھ عقیدے دی سبھ توں ودھ قابل احترام ڄاہ اے۔ انہاں آکھیا جو پاکستان سکھ مذہب دے بہوں ساری مقدس جہیں دا رکھوالا اے، پاکستان ہر سال پوری دنیا توں ہزاراں سکھ یاتریاں دا خیر مقدم کریندے، پاکستان کرتارپور کوریڈور دے ذریعے گوردوارہ صاحب کرتارپور تئیں ویزا فری رسائی وی ݙیندے۔ ترجمان آکھیا جو ایں پس منظر وچ گولڈن ٹیمپل کوں نشانہ بݨاوݨ دی پاکستان دی کوشش بارے کوئی وی دعویٰ بالکل بے بنیاد اَتے غلط اے۔
