وفاقی وزیر داخلہ محسن نقوی دی فیلڈ مارشل دے عہدے تے ترقی ملݨ تے سید عاصم منیر کوں مبارک

اسلام آباد۔20 مئی(اے پی پی) وفاقی وزیر داخلہ محسن نقوی فیلڈ مارشل دے عہدے تے ترقی ملݨ تے سید عاصم منیر کوں مبارک ݙتی اے۔ اپݨے سنیہے اچ انہاں فیلڈ مارشل سید عاصم منیر کیتے نیک تمنائیں پچیندے آکھیا جو آرمی چیف جنرل سید عاصم منیر وݙی محنت اَتے پیشہ وارانہ مہارت نال اے مقام حاصل کیتے، معرکہ حق دی شاندار فتح دے بعد فیلڈ مارشل دے عہدے تے ترقی سید عاصم منیر دا حق ہا۔ انہاں دی قیادت اچ مسلح افواج دشمن کوں عبرتناک سبق سکھائے۔ انہاں واضح کیتا جو قوم دشمن دے خلاف سیسہ پلائی دیوار بݨ تے مسلح افواج دے نال کھڑی رہی، ایندا کریڈٹ آرمی چیف سید عاصم منیر کوں ویندے، جیڑھی جرات، شجاعت، تدبر، حکمت اَتے دانش سید عاصم منیر ݙکھائی اے ایندی تاریخ اچ مثال نئیں ملدی، یقین اے جو فیلڈ مارشل سید عاصم منیر دی قیادت اچ پاک فوج نویاں بلندیاں تئیں ویسی۔ انہاں آکھیا جو انہاں دی قیادت اچ مسلح افواج دیاں مزید کامیابیاں اَتے کامرانیاں کیتے دعا گو ہاں۔