اسلام آباد۔21مئی (اے پی پی) نائب وزیراعظم اتے وزیر خارجہ سینیٹر محمد اسحاق ڈار، سی پی سی دے سیاسی بیورو دے رکن اتے عوامی جمہوریہ چین دے وزیر خارجہ وانگ یی اتے افغانستان دے قائم مقام وزیر خارجہ امیر خان متقی بدھ کوں بیجنگ اچ ہک غیر رسمی سہ فریقی ملاقات کیتی۔ دفتر خارجہ موجب تریجھے وزرائے خارجہ علاقائی سلامتی اتے اقتصادی رابطیاں کوں فروغ ݙیوݨ کیتے ہک اہم پلیٹ …
نائب وزیراعظم اسحاق ڈار، چینی وزیر خارجہ اتے افغانستان دے قائم مقام وزیر خارجہ دی بیجنگ اچ ملاقات، خطے اچ استحکام اتے ترقی کوں فروغ ݙیوݨ دے عزم دا اظہار
مزید خبراں
اسلام آباد۔21مئی (اے پی پی) نائب وزیراعظم اتے وزیر خارجہ سینیٹر محمد اسحاق ڈار، سی پی سی دے سیاسی بیورو دے رکن اتے عوامی جمہوریہ چین دے وزیر خارجہ وانگ یی اتے افغانستان دے قائم مقام وزیر خارجہ امیر خان متقی بدھ کوں بیجنگ اچ ہک غیر رسمی سہ فریقی ملاقات کیتی۔ دفتر خارجہ موجب تریجھے وزرائے خارجہ علاقائی سلامتی اتے اقتصادی رابطیاں کوں فروغ ݙیوݨ کیتے ہک اہم پلیٹ فارم دے طور تے سہ فریقی تعاون دا اعادہ کیتا۔ انہاں سفارتی مصروفیات کوں ودھاوݨ، مواصلات کوں مستحکم بݨاوݨ اتے مشترکہ خوشحالی دے کلیدی محرکات دے طور تے تجارت، انفراسٹرکچر اتے ترقی کوں فروغ ݙیوݨ کیتے عملی اقدامات تے ڳالھ مہاڑ کیتی۔ انہاں بیلٹ اینڈ روڈ انیشی ایٹو (بی آر آئی) تعاون کوں ڳھاٹا کرݨ اتے چین پاکستان اقتصادی راہداری (سی پیک) کوں افغانستان تئیں ودھاوݨ تے اتفاق کیتا۔ تریجھے رہنماواں دہشت گردی دا مقابلہ کرݨ اتے خطے اچ استحکام اتے ترقی کوں فروغ ݙیوݨ کیتے آپݨے سانجھے عزم تے زور ݙتا۔ ایں ڳالھ تے اتفاق کیتا ڳیا جو سہ فریقی وزرائے خارجہ دا 6 واں اجلاس جلدی، آپسی طور تے مناسب تاریخ تے کابل اچ تھیسی۔
