اسلام آباد۔ 7 جولائی (اے پی پی) سپیکر قومی اسمبلی سردار ایاز صادق حوالدار لالک جان شہید (نشانِ حیدر) کوں شاندار لفظاں اچ خراجِ عقیدت پیش کریندیں ہوئیں آکھیا جو حوالدار لالک جان کارگل دے محاذ تے جرأت تے بہادری دی لازوال داستان رقم کیتی، ملک دے دفاع کیتے جاناں دا نذرانہ پیش کرݨ آلے قوم دے حقیقی ہیرو ہن۔ سنوار کوں قومی اسمبلی سیکرٹریٹ توں جاری بیان موجب حوالدار لالک جان شہید دے 26ویں یوم شہادت تے آپݨے سنیھے وچ سپیکر سردار ایاز صادق آکھیا جو حوالدار لالک جان شہید دا ناں ہمیشہ زندہ تے جاوید رہسی، انہاں مادرِ وطن دے دفاع دی خاطر جامِ شہادت نوش کیتا۔ سپیکر آکھیا جو ملک دے دفاع کیتے جاناں دا نذرانہ پیش کرݨ آلے قوم دے حقیقی ہیرو ہن، پاک افواج دے بہادر سپوتاں ملکی دفاع کیتے ہمیشہ آپݨی جاناں نچھاور کیتی، قوم کوں آپݨے بہادر سپوتاں تے فخر اے۔ انہاں اللہ تعالیٰ توں حوالدار لالک جان شہید دے درجات دی بلندی کیتے دعا وی کیتی۔
