اسلام آباد۔ 7 جولائی (اے پی پی) صدرِ مملکت آصف علی زرداری حوالدار لالک جان شہید (نشانِ حیدر) کوں شاندار لفظاں اچ خراجِ عقیدت پیش کریندیں ہوئیں آکھیا جو شہید دی بہادری اَتے حب الوطنی ہمیشہ یاد رکھی ویسی۔ سنوار کوں ایوانِ صدر دے پریس وِنگ موجب صدرِ مملکت شہید دی بے مثال بہادری، جرأت اَتے قربانی کوں سلام کیتا اَتے آکھیا جو لالک جان شہید دی قربانی آوݨ آلی نسلاں کیتے جرأت تے عزم دی روشن مثال اے۔ صدرِ مملکت آکھیا جو قوم اڄ کارگل جنگ دے عظیم ہیرو حوالدار لالک جان شہید (نشانِ حیدر) دی جرأت اَتے عظیم قربانی کوں خراجِ عقیدت پیش کریندی اے۔ صدر آکھیا جو لالک جان شہید شدید زخمی تھیوݨ دے باوجود دشمن دے حملے روکے اَتے مادرِ وطن دے دفاع کیتے آپݨی جان دا نذرانہ پیش کیتا۔ صدرِ مملکت آکھیا جو اساں آپݨے بہادر سپوت لالک جان شہید دی عظیم قربانی کوں سلام پیش کریندوں، قوم کوں آپݨے عظیم سپوت لالک جان شہید دی قربانی تے فخراے۔ صدرِ آصف علی زرداری آکھیا جو لالک جان شہید دی قربانی پاکستان دی تاریخ اچ سنہری لفظاں اچ لکھی ویسی اَتے ہمیشہ یاد رکھی ویسی۔
