اسلام آباد۔ 7 جولائی (اے پی پی) وزیرِ اعظم محمد شہباز شریف حوالدار لالک جان شہید نشان حیدر دے یوم شہادت تے انہاں کوں خراج عقیدت پیش کیتا۔ سنوار کوں پی ایم آفس دے میڈیا ونگ توں جاری بیان موجب وزیرِ اعظم آکھیا جو وطن عزیز دی حفاظت کیتے کارگل جنگ اچ حوالدار لالک جان شہید نشان حیدر آپݨی جان دی پرواہ کیتے بغیر دشمن دے ناپاک عزائم کوں خاک اچ ملایا اَتے وطن دی خاطر آپݨی جان دا نذرانہ پیش کر تے عظیم قربانی ݙتی، دشمن دے حملے حوالدار لالک جان دے حوصلے پست نہ کر سڳے۔ وزیرِ اعظم آکھیا جو حوالدار لالک جان شہید دی بہادری، شجاعت اَتے فرض شناسی نویں نسل کیتے قابل تقلید مثال اے۔ انہاں آکھیا جو پاکستانی قوم آپݨے شہداء دی قربانیاں کوں کݙاہیں بھُل نئیں سڳدی، افواج پاکستان دے شہداء اَتے انہاں دے اہل خانہ مئیں سودھے پوری قوم دا فخر ہن۔ وزیرِ اعظم آکھیا جو وطن عزیز دی حفاظت دے غیر متزلزل عزم اچ پوری قوم افواج پاکستان دے شانہ بشانہ کھڑی اے۔
