لاہور۔ 14 جولائی (اے پی پی) لاہور ہائی کورٹ پنجاب وچ بلدیاتی انتخابات دے التوا دے خلاف درخواست تے سماعت دے دوران باور کرائے جے قانون ہی تیار نہ تھیا تاں الیکشن کمیشن انتخابات کیویں کریسی ، لوکل گورنمنٹ الیکشن کراوݨ آئینی ذمہ واری اے، جے انتظامات ݙاہ سال تئیں نہ تھیووں تاں کیا انتخابات نہ کرائے ویسن۔عدالت ایڈووکیٹ جنرل پنجاب کوں معاونت کیتے طلب کر ڳھدا۔ عدالت کیس دی …
پنجاب اچ بلدیاتی انتخابات کراوݨ دی درخواست تے سماعت ملتوی
مزید خبراں
لاہور۔ 14 جولائی (اے پی پی) لاہور ہائی کورٹ پنجاب وچ بلدیاتی انتخابات دے التوا دے خلاف درخواست تے سماعت دے دوران باور کرائے جے قانون ہی تیار نہ تھیا تاں الیکشن کمیشن انتخابات کیویں کریسی ، لوکل گورنمنٹ الیکشن کراوݨ آئینی ذمہ واری اے، جے انتظامات ݙاہ سال تئیں نہ تھیووں تاں کیا انتخابات نہ کرائے ویسن۔عدالت ایڈووکیٹ جنرل پنجاب کوں معاونت کیتے طلب کر ڳھدا۔ عدالت کیس دی مزید سماعت 18 جولائی تئیں ملتوی کریندے آندی سماعت تے الیکشن کمیشن سودھے سارے فریقین کوں عدالت دی معاونت کرݨ دی ہدایت کر ݙتی۔ جسٹس فاروق حیدر جماعت اسلامی لاہور دے امیر ضیا الدین انصاری دی درخواست تے سماعت کیتی۔درخواست وچ استدعا کیتی ڳئی ہئی جو حکومت پنجاب کوں بلدیاتی انتخابات دے وختی انعقاد دا حکم ݙتا ونڄے اَتے موجودہ لوکل گورنمنٹ ایکٹ وچ ترمیم کرتے اختیارات بیوروکریسی دی بجائے عوامی نمائندیں کوں ݙتے ونڄن۔ عدالت دے سامݨے وفاقی و صوبائی حکومت، چیف سیکرٹری پنجاب اَتے صوبائی الیکشن کمشنر جوابات داخل کریندے موقف اختیار کیتا جو درخواست ناقابل سماعت اے، ایں کوں مسترد کیتا ونڄے۔
