لندن ۔15جولائی (اے پی پی) وفاقی وزیر برائے تجارت جام کمال خان نال تجارت سانگے برطانوی وزیراعظم دے ایلچی محمد یاسین ہاؤس آف کامنز اچ ملاقات کیتی اتے سانجھی دلچسپی دے معاملیاں بارے گالھ مہاڑ کیتی۔ ݙوہاں رہنماواں یوکے-پاکستان ٹریڈ اینڈ انویسٹمنٹ ڈائیلاگ دے آغاز کوں سنگ میل قرار ݙتا۔ ایں موقعے تے ہائی کمشنر ڈاکٹر محمد فیصل اتے سیکرٹری تجارت جواد پال وی موجود ہن۔ وزارت تجارت توں منگل …
وفاقی وزیر تجارت جام کمال خان نال برطانوی وزیراعظم دے ایلچی دی ملاقات، پاک-برطانیہ معاشی تعاون دے فروغ تے اتفاق
مزید خبراں
لندن ۔15جولائی (اے پی پی) وفاقی وزیر برائے تجارت جام کمال خان نال تجارت سانگے برطانوی وزیراعظم دے ایلچی محمد یاسین ہاؤس آف کامنز اچ ملاقات کیتی اتے سانجھی دلچسپی دے معاملیاں بارے گالھ مہاڑ کیتی۔ ݙوہاں رہنماواں یوکے-پاکستان ٹریڈ اینڈ انویسٹمنٹ ڈائیلاگ دے آغاز کوں سنگ میل قرار ݙتا۔ ایں موقعے تے ہائی کمشنر ڈاکٹر محمد فیصل اتے سیکرٹری تجارت جواد پال وی موجود ہن۔ وزارت تجارت توں منگل کوں جاری بیان موجب جام کمال خان محمد یاسین کوں تقرری تے مبارکباد ݙتی اتے جون 2025 اچ محمد یاسین دے کامیاب دورہ پاکستان کوں سراہا۔ ݙوہاں رہنماواں پاک-برطانیہ معاشی تعاون دے فروغ تے اتفاق کیتا۔ ملاقات اچ یوکے-پاکستان ٹریڈ اینڈ انویسٹمنٹ ڈائیلاگ دے آغاز کوں ہک سنگ میل قرار ݙتا ڳیا۔ وزیر تجارت آکھیا جو ڈائیلاگ مارکیٹ رسائی دے مسئلیاں دے حل اچ مددگار ثابت تھیسی۔ انہاں آکھیا جو ڈیولپنگ کنٹریز ٹریڈنگ سکیم (ڈی سی ٹی ایس) دے تحت ݙوہاں ملکاں وچال تجارت ودھسی۔ ملاقات اچ برطانوی پاکستانی کمیونٹی دے کردار کوں وی اہم قرار ݙتا ڳیا۔ وزیر تجارت یوکے پاکستان بزنس ایڈوائزری کونسل دے قیام دا خیرمقدم کیتا۔ انہاں آکھیا جو برطانیہ اچ موجود تاجر برادری اتے چیمبرز نال رابطے ودھاوݨ دی لوڑھ اے تاں جو تجارت کوں فروغ ݙتا ونڄ سڳے۔ جام کمال آکھیا جو توانائی، آئی سی ٹی، زراعت اتے اعلیٰ تعلیم اچ تعاون دے وسیع موقع موجود ہن۔ فریقین سیاسی تے اقتصادی تعلقات مضبوط بݨاوݨ تے وی اتفاق کیتا اتے پاکستان اتے برطانیہ دے درمیان دیرپا تے مساوی تجارتی شراکت داری دا عزم کیتا۔
