نائب وزیراعظم تے وزیر خارجہ اسحاق ڈار دی قازقستان دے ہم منصب نال ملاقات، ݙوپاسہ تعلقات ودھاوݨ دا عزم

تیانجن ۔15جولائی (اے پی پی) نائب وزیراعظم تے وزیر خارجہ اسحاق ڈار قازقستان دے ہم منصب مورات نورتیو نال ملاقات کیتی اتے ݙوہاں ملکاں وچال ݙوپاسہ تعلقات ودھاوݨ دا عزم کیتا۔ دفتر خارجہ توں جاری بیان موجب سینیٹر اسحاق ڈار آکھیا جو میݙی قازقستان دے نائب وزیراعظم تے وزیر خارجہ مورات نورتیو نال گالھ مہاڑ تھی اے، اساں ݙوپاسہ تعلقات کوں ٻیا ودھاوݨ اتے علاقائی اتے کثیر الجہتی فورمز تے تعاون کوں ودھاوݨ دا عزم کیتے۔