تہران۔15جولائی (اے پی پی) وفاقی وزیر داخلہ محسن نقوی ایران دے سپریم لیڈر آیت اللہ علی خامنہ ای دے مشیر اعلیٰ برائے بین الاقوامی امور ڈاکٹر علی اکبر ولایتی نال ملاقات کیتی اتے سانجھی دلچسپی دے معاملے، پاک-ایران تعلقات اتے علاقائی صورتحال تے ڳالھ کیتی۔ وزارت داخلہ ولوں جاری بیان موجب سپریم لیڈر آیت اللہ علی خامنہ ای دے مشیر اعلیٰ برائے بین الاقوامی امور ڈاکٹر علی اکبر ولایتی نال …
وفاقی وزیر داخلہ محسن نقوی دی ایرانی سپریم لیڈر دے مشیر برائے بین الاقوامی امور ڈاکٹر علی اکبر ولایتی نال ملاقات، سانجھی دلچسپی دے معاملے، پاک-ایران تعلقات اتے علاقائی صورتحال تے ڳالھ مہاڑ
مزید خبراں
تہران۔15جولائی (اے پی پی) وفاقی وزیر داخلہ محسن نقوی ایران دے سپریم لیڈر آیت اللہ علی خامنہ ای دے مشیر اعلیٰ برائے بین الاقوامی امور ڈاکٹر علی اکبر ولایتی نال ملاقات کیتی اتے سانجھی دلچسپی دے معاملے، پاک-ایران تعلقات اتے علاقائی صورتحال تے ڳالھ کیتی۔ وزارت داخلہ ولوں جاری بیان موجب سپریم لیڈر آیت اللہ علی خامنہ ای دے مشیر اعلیٰ برائے بین الاقوامی امور ڈاکٹر علی اکبر ولایتی نال ملاقات اچ ایران-اسرائیل جنگ بندی توں بعد خطے دی اڄوکی صورتحال تے وی گالھ مہاڑ کیتی ڳئی۔ وفاقی وزیر داخلہ محسن نقوی پاکستانی دی سیاسی تے عسکری قیادت ولوں ایرانی سپریم لیڈر آیت اللہ علی خامنہ ای سانگے نیک خواہشات دا سنیھا پڄایا۔وزیر داخلہ آکھیا جو جنگ ہووے یا امن، پاکستان اتے ایران ہر موقع تے ہک ݙوجھے دے نال کھڑے رہن۔ محسن نقوی آکھیا جو دشمن پاک-ایران تعلقات اچ کوئی رخنہ نی پا سڳدا۔ پاکستان اچ ایران دے سفیر رضا امیری مقدم اتے سینئر سفارت کار وی ایں موقع تے موجود ہن۔ واضح رہے جو ڈاکٹر علی اکبر ولایتی ایران دے سابق وزیر خارجہ تے سینئر سفارت کار رہ ڳئن۔
