اسلام آباد۔ 16 جولائی (اے پی پی) وفاقی وزیر اطلاعات و نشریات عطاء اللہ تارڑ نال پاکستان فیڈرل یونین آف جرنلسٹس (پی ایف یو جے)، راولپنڈی اسلام آباد یونین آف جرنلسٹس (آر آئی یو جے) اتے پارلیمانی رپورٹرز ایسوسی ایشن (پی آر اے) دے نمائندہ وفد ملاقات کیتی۔ ایں موقع تے ڳالھ کریندے وفاقی وزیر اطلاعات آر آئی یو جے دے صدر طارق ورک دے نال پیش آوݨ آلے واقعے تے تشویش دا اظہار کیتا۔انہاں آکھیا جو صحافیاں دے وقار، آزادی اتے پیشہ ورانہ تحفظ کوں ہر سطح تے یقینی بݨایا ویسی۔ انہاں آکھیا جو معاملے کوں حل کرݨ میݙی ذمہ واری اے، صحافیاں کوں انہاں دے فرائض دی ادائیگی وچ ہر ممکن تعاون اتے تحفظ ݙیسوں۔ حکومت آزاد صحافت کوں معاشرتی بہتری دا ستون سمجھدی اے اتے ایں دے دفاع سانڳے پرعزم اے۔ وفد وچ پی ایف یو جے دے صدر افضل بٹ، نیشنل پریس کلب دے صدر اظہر جتوئی، سیکرٹری نیئر علی اتے ݙوجھے شامل ہن۔ ملاقات وچ پرنسپل انفارمیشن افسر مبشر حسن اتے ݙوجھے وی موجود ہن۔
