اسلام آباد۔ 16 جولائی(اے پی پی)وزیراعظم محمد شہباز شریف بلوچستان دے ضلع قلات اچ کراچی توں کوئٹہ آوݨ آلی مسافر بس تے فتنہ الہندوستان دے دہشت گرداں دی فائرنگ نال معصوم شہریاں دی شہادت تے افسوس کیتے۔ وزیراعظم آکھیا جو معصوم اتے نہتے شہریاں دی جان و مال کوں نقصان پچاوݨ آلے دہشت گرداں کوں ودھ قیمت چکاوݨی پوسی۔ انہاں شہداء کیتے مغفرت اتے لواحقین کیتے صبر دی دعا کیتی اتے زخمیاں کوں فوری طبی امداد ݙیوݨ دا آکھیے۔ وزیراعظم آکھیا جو حکومت اتے سکیورٹی فورسز ملک توں دہشت گردی مکاوݨ کیتے پرعزم ہین۔
