
اسلام آباد۔ 16 جولائی(اے پی پی)آذربائیجان دے نائب وزیر معیشت صمد بشرلی پاکستان دے دورے دے پہلے ݙینھ وفاقی وزیر مواصلات عبدالعلیم خان نال ملین اتے انہاں کوں آذربائیجان ولوں مختلف شعبیاں اچ تعاون دا یقین ݙویندے پاکستان اتے عوام کیتے خیر سگالی جذبات پچائن۔ وفاقی وزیر مواصلات عبدالعلیم خان آکھیا جو پاک بھارت حالیہ جنگ اچ آذربائیجان دی بھرپور حمایت اتے ہر قسم دے حالات اچ پاکستان دے نال کھڑے رہݨ دی تعریف کیتی۔ انہاں باکو اتے اسلام آباد اچ باہمی رابطےو دھاوݨ تے زور ݙیندے خاص کر کاروباری تعاون ودھاوݨ دا آکھیا۔ ملاقات اچ ݙوہاں ملکاں وچال سرمایہ کاری اتے ݙو طرفہ تجارت دے فروغ تے اتفاق تھیا جو پاکستان اتے آذربائیجان باہمی تجارت ودھیسن جیندے کیتے اسلام آباد اچ پاک-آذربائیجان چیمبر آف کامرس پہلے ہی فعال کردار ادا کریندا پئے۔