اسلام آباد۔17جولائی (اے پی پی):ملک دے مختلف علاقیاں اچ شدید بارشاں پاروں شہراں اچ سیلابی صورتحال جݙاں جو ندی نالیاں اچ طغیانی دا خدشہ ظاہر کیتا ڳئے۔ این ڈی ایم اے سارے متعلقہ اداریاں کوں کہیں وی ممکنہ ہنگامی صورتحال نال نبڑݨ کیتے پیشگی اقدامات کوں یقینی بݨاوݨ دی ہدایت کر ݙتی۔ خمیس کوں ترجمان این ڈی ایم اے ولوں جاری تفصیلات موجب پنجاب دے ضلعیاں بشمول لاہور، چکوال، اٹک، جہلم، خوشاب، سرگودھا، گجرات، گوجرانوالہ، فیصل آباد، سیالکوٹ، نارووال، اوکاڑہ، قصور، شیخوپورہ اتے حافظ آباد اچ اڳلے 12 گھنٹیاں اچ اندھاری اتے طوفان سمیت شدید مینہہ دا امکان اے۔ راولپنڈی اتے اسلام آباد اچ اڳلے 24 توں 48 گھنٹیاں تئیں وقفے وقفے نال موسلادھار مینہہ جاری رہݨ جݙاں جو موسلادھار مینہہ پاروں نالہ لئی اچ ممکنہ طغیانی اتے نشیبی علاقیاں اچ سیلابی صورتحال دا امکان اے۔ نالہ لئی دے نیڑے اتے نشیبی علاقیاں دے رہائشی خطرے دا سائرن وَجݨ دی صورت اچ فوراً نکلݨ دی تیاری رکھن اتے متعلقہ اداریاں نال تعاون کرن۔ این ڈی ایم اے اتے متعلقہ اداریاں ولوں بروقت اقدامات کوں یقینی بݨایا ویندا پئے۔ تیکھے بہاؤ دی صورت اچ ندی نالیاں، پُلاں اتے پاݨی اچ بݙٰی سڑکاں توں لنگھݨ توں پرہیز کرݨ۔ممکنہ سیلابی صورتحال پاروں نشیبی علاقیاں دے رہائشی قیمتی شئیں اتے مویشی محفوظ جہیں تے منتقل کرݨ دا پہلے توں بندوبست رکھن۔ حساس علاقیاں دے رہائشی ہنگامی صورتحال کیتے 3 توں 5 ݙینھ دی خوراک، پاݨی اتے دوائیاں تے مشتمل ایمرجنسی کٹ تیار رکھن۔ مقامی انتظامیہ اتے متعلقہ ادارے فوری نکاسی آب کیتے ضروری مشینری اتے پمپس تیار رکھن۔ سیلابی علاقیاں دے رہائشی ٹی وی اتے موبائل الرٹس دے ذریعے سرکاری اعلانات اتے الرٹس توں باخبر رہن۔ این ڈی ایم اے سارے متعلقہ اداریاں کوں ہدایات جاری کیتن جو کہیں وی ممکنہ ہنگامی صورتحال نال نبڑݨ کیتے پیشگی اقدامات کوں یقینی بݨایا ونجے۔ عوام توں گزارش کیتی اے جو موسم اتے ممکنہ خطرات دے حوالے نال آگاہی کیتے پاک این ڈی ایم اے ڈیزاسٹر الرٹ ایپ توں رہنمائی گھنن۔
