اسلام آباد۔ 17 جولائی(اے پی پی)وفاقی وزیر اطلاعات و نشریات عطاء اللہ تارڑ انفارمیشن سروسز اکیڈمی اچ تھیوݨ آلی سپیشلائزڈ ٹریننگ پروگرام (ایس ٹی پی) دی 41 ویں پاسنگ آؤٹ تقریب اچ انفارمیشن گروپ دے افسراں کوں سنداں ونڈین۔
انہاں وفاقی وزیر افسراں کوں تربیت پوری کرݨ تے مبارکباد ݙتی اتے عوامی بیانیہ بݨاوݨ اتے قومی اداریاں کوں تکڑا بݨاوݨ اچ پروفیشنل کمیونیکیٹرز دے اہم کردار تے زور ݙتا۔ ڈائریکٹر جنرل انفارمیشن سروسز اکیڈمی عمرانہ وزیر آکھیا جو افسراں کوں اطلاعاتی نظام دے اڄوکے تقاضیاں دے مطابق سٹریٹجک کمیونیکیشن دیاں مہارتاں نال بھرپور کرݨ کیتے اے تربیتی پروگرام کیتا گیا۔ شرکاء کوں ریاستی میڈیا بارے عملی اتے بہتر آگاہی کیتے ایسوسی ایٹڈ پریس آف پاکستان (اے پی پی)، ڈائریکٹوریٹ آف الیکٹرانک میڈیا اینڈ پبلیکیشنز (ڈی ای ایم پی)، پاکستان ٹیلی ویژن (پی ٹی وی)، پاکستان براڈکاسٹنگ کارپوریشن (پی بی سی) اتے سائبر ونگ سمیت اہم قومی اطلاعاتی اداریاں دا دورہ کروایا گیا۔ افسراں کوں ڈیجیٹل میڈیا دی حکمت عملی، غلط معلومات دا مقابلہ کرݨ، کرائسز کمیونیکیشن اتے ثبوت تے مبنی پیغام رسانی دے ذریعے قومی بیانیہ کوں ودھاوݨ دی تربیت وی ݙتی گئی۔ ٹریننگ کوآرڈینیٹر رابعہ حبیب تربیتی پروگرام دیاں خاصیتاں اتے تدریسی پہلوواں تے تفصیلی بریفنگ ݙتی۔
تقریب اچ جنہاں افسراں کوں سنداں ونڈیاں گیاں انہاں اچ سیدہ حفصہ اعجاز، سعیدہ شکیل اعوان، یمنہ رحمن مجتبیٰ، مینا عالم، نور مہد شیخ، شاہ فیصل، محمد کامران، پاکیزہ صدیق، محمد ابراہیم، ذوالفقار علی اتے جنید احمد شامل ہن۔
