وزیر داخلہ محسن نقوی دا جہلم اچ سیلاب متاثرین کوں ریسکیو کریندیں ہوئیں ریلے اچ وَہہ ونجݨ آلے پولیس کانسٹیبل حیدر علی دی قربانی کوں خراج عقیدت

اسلام آباد۔18 جولائی (اے پی پی) وفاقی وزیر داخلہ محسن نقوی جہلم اچ سیلاب متاثرین کوں ریسکیو کریندیں ہوئیں ریلے اچ وَہہ ونجݨ آلے پولیس کانسٹیبل حیدر علی دی قربانی کوں خراج عقیدت پیش کیتے۔ وزارت داخلہ ولوں جمہ کوں جاری بیان اچ وزیر داخلہ محسن نقوی آکھیا جو پنجاب پولیس دے کانسٹیبل حیدر علی ݙوجھیاں دی زندگی بچیندیں ہوئیں آپݨی جان نچھاور کر تے فرض شناسی دی اعلیٰ مثال قائم کیتی۔ محسن نقوی آکھیا جو شہید کانسٹیبل حیدر علی دی عظیم قربانی کوں سلام پیش کریندن۔ وزیر داخلہ آکھیا جو کانسٹیبل حیدر علی آپݨی جان دی بازی لا تے کئی لوکاں دی زندگیاں بچائن۔ انہاں آکھیا جو شہید کانسٹیبل حیدر علی قوم دا ہیرو اے جئیں فرض تے آنچ نئیں آوݨ ݙتی۔ محسن نقوی آکھیا جو کانسٹیبل حیدر علی بہادری دی شاندار نظیر قائم کیتی اے، کانسٹیبل حیدر علی دی لازوال قربانی کوں قوم ہمیشہ یاد رکھیسی۔ وفاقی وزیر داخلہ محسن نقوی  شہید کانسٹیبل حیدر علی دے لواحقین نال دلی ہمدردی تے اظہار تعزیت کیتی اتے آکھیا جو شہید کانسٹیبل حیدر علی دے خاندان دے نال کھڑن۔