وزیراعظم محمد شہباز شریف دا ضلع مستونگ اچ دہشت گرد حملے اچ پولیس اہلکاراں دی شہادت تے اظہار افسوس

اسلام آباد (اے پی پی) وزیراعظم محمد شہباز شریف بلوچستان دے ضلع مستونگ اچ پولیس موبائل تے دہشت گرد حملے اچ پولیس اہلکاراں دی شہادت تے افسوس کریندے آکھیے جو ملکی سالمیت کوں ضیان پُجاوݨ آلے دہشت گرداں دے مذموم ارادیں کوں مٹی اچ رلیسوں۔ وزیراعظم دفتر دے میڈیا ونگ توں جاری بیان موجب وزیراعظم شہداء کیتے دعائے مغفرت اتے لواحقین کیتے صبر و استقامت دی دعا کیتی اتے زخمیاں کوں ترجیحی بنیاداں تے وختی طبی امداد ݙیوݨ دی ہدایت کیتی۔ انہاں آکھیا جو ملکی سالمیت کوں ضیان پُجاوݨ آلے دہشت گرداں دے مذموم ارادیں کوں مٹی اچ رلیسوں ۔ وزیراعظم آکھیا جو حکومت اتے سکیورٹی فورسز ملک توں دہشت گردی دے مکاوݨ کیتے پرعزم ہن۔